កម្មវិធីវិទ្យុពេលព្រឹក - វីអូអេ

ព័ត៌មានសំខាន់ៗអំពីកម្ពុជាមានដូចជា ម្ចាស់សាលារៀន និងអ្នករកស៊ីបង្ហាញក្តីបារម្ភអំពីការខាតបង់ជាថ្មី ខណៈជំងឺកូវីដ១៩ងើបឡើងវិញ។ រីឯព័ត៌មានអន្តរជាតិវិញមានដូចជា ប្រទេសវៀតណាមទទួលបានការសរសើរពីសម្ព័ន្ធមិត្តលោកខាងលិចចំពោះការការពារខ្លួនប្រឆាំងនឹងចិន។ រដ្ឋាភិបាលកណ្តាលក្នុងទ្វីបអឺរ៉ុបកំពុងតស៊ូជាមួយតំបន់ដែលព្យាយាមផ្តាច់ខ្លួន៕

ព័ត៌មានសំខាន់ៗអំពីកម្ពុជាមានដូចជា មន្ត្រី​ហុងគ្រី៖ មិនប្រាកដថារដ្ឋមន្ត្រី​ការបរទេសជាអ្នកចម្លងជំងឺកូវីដ១៩ នៅកម្ពុជា។ ការចុះចូលរបស់អតីតតំណាងរាស្រ្តបក្សប្រឆាំងជាមួយបក្សកាន់អំណាច នាំឲ្យសង្ស័យពាក់ព័ន្ធនឹងរឿងបិទមន្ទីរពេទ្យ។ អង្គការសិទ្ធិមនុស្សអាមេរិកស្នើឲ្យកម្ពុជាបោះចោលសេចក្តីព្រាងច្បាប់ស្តីពីឧក្រិដ្ឋកម្មតាមអ៊ីនធឺណិត។ រីឯព័ត៌មានអន្តរជាតិវិញមានដូចជា រដ្ឋាភិបាលភាគច្រើននៅមជ្ឈិមបូព៌ាអបអរសាទរលោក បៃដិន ចំពោះលទ្ធផលនៃការបោះឆ្នោតនៅអាមេរិក។ លោក បៃដិន ពង្រឹងជ័យជម្នះ ដោយឈ្នះនៅ Arizona ប៉ុន្តែលោក Trump នៅតែមិនទទួលស្គាល់ការចាញ់ឆ្នោត។ ថៃអនុញ្ញាតឱ្យពលករចំណាកស្រុករាប់ពាន់នាក់ពន្យារអាជ្ញាប័ណ្ណការងារ។ កូរ៉េខាងត្បូងនឹងចាប់ផាកពិន័យអ្នកមិនពាក់ម៉ាស់ក្រោយករណីឆ្លងកូវីដ១៩កើនឡើង និងព័ត៌មានអន្តរជាតិផ្សេងៗទៀត៕

ព័ត៌មានសំខាន់ៗអំពីកម្ពុជាមានដូចជា គណបក្សសង្គ្រោះជាតិដែលត្រូវបានតុលាការរំលាយ អបអរសាទរលទ្ធផលនៃការបោះឆ្នោតនៅសហរដ្ឋអាមេរិក។ អ្នកតវ៉ា៥នាក់នៅខេត្តកោះកុង ត្រូវដាក់ក្រោមការត្រួតពិនិត្យរបស់តុលាការពាក់ព័ន្ធជម្លោះដីធ្លី។ រីឯព័ត៌មានអន្តរជាតិវិញមានដូចជា លោក Joe Biden តែងតាំងលោក Ron Klain ជានាយកខុទ្ទកាល័យសេតវិមាន។ ក្នុង​កិច្ចសន្ទនាតាម​ទូរស័ព្ទ​លោក​ បៃដិន​ សន្យាពង្រឹង​សម្ព័ន្ធភាព​ជាមួយ​មេដឹកនាំ​ជប៉ុន កូរ៉េ​ខាង​ត្បូង​និង​អូស្ត្រាលី។ មេដឹកនាំនៅអាស៊ីនឹងចុះហត្ថលេខាលើកិច្ចព្រមព្រៀងពាណិជ្ជកម្មគាំទ្រដោយចិន ខណៈលទ្ធផលការបោះឆ្នោតនៅអាមេរិកនៅមិនប្រាកដប្រជា។ ប្រេស៊ីលបន្តការសាកល្បងវ៉ាក់សាំងបង្ការជំងឺកូវីដ ១៩ របស់ចិនក្រោយពីផ្អាកមួយថ្ងៃ និងព័ត៌មានអន្តរជាតិផ្សេងៗទៀត៕

ព័ត៌មានសំខាន់ៗអំពីកម្ពុជាមានដូចជា ជនរងគ្រោះចង់ឃើញចម្លើយសារភាព ក្រោយពេលអតីតកម្មាភិបាលខ្មែរក្រហម លោក អោ អាន ស្លាប់។ អាមេរិកនៅប្រាថ្នាជួយផែយោធារាម ដែលអ្នកវិភាគថាដើម្បីឃ្លាំមើលចិន។ ថ្នាក់ដឹកនាំ​បក្ស​សង្គ្រោះជាតិ​១១រូប ដាក់សំណើ​សុំ​លិខិត​ឆ្លង​ដែន​ចូលស្រុក​វិញ៕

ព័ត៌មាន​សំខាន់ៗ​អំពីកម្ពុជាមានដូចជា ម្ចាស់​សាលា​រៀន​ និង​អ្នក​រក​ស៊ី​បង្ហាញ​ក្តី​បារម្ភ​អំពី​ការ​ខាត​បង់​ជា​ថ្មី ខណៈ​ជំងឺ​កូវីដ​១៩​ ងើប​ឡើង​វិញ។ កម្ពុជា​វាយ​កម្ទេច​អគារ​ថែទាំ​នាវា​នៅ​ផែយោធា​រាម សង់​ដោយ​អាមេរិក។ ព័ត៌មាន​អន្តរជាតិ​វិញ​មាន​ដូចជា តុលាការ​កំពូលនឹង​បើកសវនាការ​លើ​បណ្តឹង​លុប​ចោល​ច្បាប់​សុខភាព Obamacare។ លោក បៃដិន ​ការពារច្បាប់​សុខភាព​ Obamacare ខណៈ​តុលាការ​កំពូលកំពុង​ពិនិត្យ​មើលពីជោគវាសនា​នៃ​ច្បាប់​នេះ។ គណបក្ស​សាធារណ​រដ្ឋ​គាំទ្រ​លោក ​Trump ក្នុងរឿង​ជម្លោះ​លទ្ធផល​បោះ​ឆ្នោត​ និងអន្តរកាល​នៃ​ការ​ផ្ទេរ​អំណាច​។ ប្រទេស​ប្រេស៊ីល​ផ្អាក​ការ​សាកល្បង​ដំណាក់​កាល​ចុងក្រោយ​នៃវ៉ាក់សាំង​កូវីដ​១៩ ​របស់​ចិន។ ប្រទេស អាមេនី​ និងប្រទេស​អាស៊ែបៃហ្សង់​ ឯកភាព​ទទួល​យក​បទ​ឈប់​បាញ់​ថ្មី។ អ្នក​ទិញ​ទំនិញ​ចិន​ ​ត្រៀមចំណាយ​ប្រាក់​ដ៏​ច្រើនពីការ​ទិញ​ទំនិញ​អនឡាញក្នុងពិធីប្រចាំ​ឆ្នាំ​ដ៏​ធំ​របស់​ខ្លួន៕

ព័ត៌មាន​សំខាន់ៗ​មានដូចជា តារា​សម្តែង​ខ្មែរ​កាណាដា Ellen Wong មើល​ឃើញ​ខ្លួនឯង​នៅ​ក្នុង​តួអង្គ «កូន​ជនភៀសខ្លួន»។ ពលរដ្ឋ​មួយ​ចំនួន​នៅ​ភ្នំពេញ​បង្ហាញ​ក្តី​សង្ឃឹម ក្រោយ​លោក ចូ បៃដិន ត្រូវ​បាន​ព្យាករណ៍​ថា ឈ្នះ​ការ​បោះឆ្នោត។ ក្រសួង​សុខាភិបាល​រក​ឃើញ​មនុស្ស​៣​នាក់​ទៀត​ឆ្លងជំងឺកូវីដ​១៩ ពាក់ព័ន្ធ​នឹង​រដ្ឋមន្រ្តី​ការ​បរទេស​ហុងគ្រី។ ព័ត៌មាន​អន្តរជាតិ​វិញ​មាន​ដូចជា លោក Biden ចាប់ផ្ដើម​ដំណើរការ​អន្តរកាល​រដ្ឋាភិបាល ខណៈ​លោក Trump ប្ដឹង​ជំទាស់​លទ្ធផល​បោះឆ្នោត។ ក្រុម​ហ៊ុន​ឱសថ​អាមេរិក ​Pfizer​ ថា​ ទិន្នន័យ​ដំបូងៗ​បង្ហាញ​ថាវ៉ាក់សាំង​ការពារ​ជំងឹ​កូវីដ​១៩​ របស់​ខ្លួន​មាន​ប្រសិទ្ធភាព។ លោក​ត្រាំ​ដក​លោក Esper ពី​តំណែង​រដ្ឋមន្ត្រី​ការពារ​ជាតិ។ លោក​ Trump ប្រឈមការ​ដាក់សម្ពាធ​ឲ្យ​ធ្វើ​ការ​ជាមួយក្រុម​ការងារ​លោក Biden ក្នុង​អំឡុង​ពេល​អន្តរកាល​នៃ​ការ​ផ្ទេ​រ​អំណាច។ ប្រទេស​ចិន​និង​រុស្ស៊ី​មិន​ទាន់​អប​អរ​លោក ​Biden ខណៈសម្ព័ន្ធ​មិត្ត​អាមេរិក​បានផ្ញើ​សារស្វាគមន៍​លោក។ ក្តី​បារម្ភ​ពី​ផ្ទុះ​សង្គ្រាម​ស៊ីវិល​ក្នុង​ប្រទេស​អេត្យូពី ​កំពុង​កើន​ឡើង​ ខណៈ​នាយក​រដ្ឋមន្រ្តី​នៃ​ប្រទេស​នេះ​បង្កើន​ការ​វាយ​ប្រហារ​ដោយ​យោធា៕

ព័ត៌មានសំខានៗអំពីកម្ពុជាមានដូចជា សង្គមស៊ីវិលសង្ឃឹមពីការពង្រឹងលទ្ធិប្រជាធិបតេយ្យកម្ពុជា ខណៈលោកបៃឌិនត្រូវបានព្យាករណ៍ថាឈ្នះឆ្នោត។ ខ្សែភាពយន្តឯកសារ «The Donut King» អំពីជនភៀសខ្លួនខ្មែរដែលធ្វើនំដូណាត់ ចាប់ផ្តើមដាក់បញ្ចាំង។ រីឯព័ត៌មានអន្តរជាតិវិញមានដូចជា លោក Biden សន្យាបង្រួបបង្រួមជាតិនៅក្នុងសុន្ទរកថាទៅកាន់ប្រជាជាតិ។ ពលរដ្ឋឥណ្ឌាក្នុងភូមិកំណើតជីដូនជីតារបស់អ្នកស្រី Kamala Harris អបអរសារទរជ័យជម្នះរបស់អ្នកស្រី។ និស្សិតបរទេសទន្ទឹងរង់ចាំទិដ្ឋាការដែលមានស្ថិរភាពសម្រាប់ការសិក្សារបស់គេក្នុងសហរដ្ឋអាមេរិក។ ព្យុះ Eta បានធ្វើឲ្យមានការបាក់ដីនៅប្រទេសគុយបា។ សហរដ្ឋអាមេរិកមានអ្នកឆ្លងជំងឺកូវីដ១៩ ជាមធ្យមជាង ១ សែននាក់ក្នុងមួយថ្ងៃ និងព័ត៌មានអន្តរជាតិផ្សេងៗទៀត៕

ព័ត៌មានសំខាន់ៗអំពីកម្ពុជាមានដូចជា ខ្មែរអាមេរិកាំង មិនភ្ញាក់ផ្អើលនឹងការប្តឹងរបស់លោក ត្រាំ ក្រោយការបោះឆ្នោត។ បងស្រីសកម្មជនថៃដែលបាត់ខ្លួនធ្វើដំណើរមកកម្ពុជា។ រីឯព័ត៌មានអន្តរជាតិវិញមានដូចជា លោក Joe Biden ត្រូវបានព្យាករណ៍ថាឈ្នះការបោះឆ្នោតប្រធានាធិបតីសហរដ្ឋអាមេរិកឆ្នាំ ២០២០។ លោក Trump ថា«ការបោះឆ្នោតនេះមិនទាន់ចប់ទេ»។ ប៉ូលិសអាមេរិករងសម្ពាធនៅពេលដែលការរាប់សន្លឹកឆ្នោតការបោះឆ្នោតនៅបន្តជិតដល់ទីបញ្ចប់។ ខណៈការបោះឆ្នោតអាមេរិកមិនទាន់ដាច់ស្រេច ចិនស្វះស្វែងរកកាត់បន្ថយការតានតឹងជាមួយរដ្ឋាភិបាលអាមេរិកថ្មី។ សហរដ្ឋអាមេរិកមានការឆ្លងជំងឺកូវីដ១៩ថ្មីជាង ១ សែនករណី៣ថ្ងៃជាប់ៗគ្នា៕

ព័ត៌មានសំខាន់ៗអំពីកម្ពុជាមានដូចជា រដ្ឋមន្រ្តីមហាផ្ទៃបញ្ជាឲ្យអាជ្ញាធរពាក់ព័ន្ធបង្កើតហ្វេសប៊ុក ទទួលបណ្តឹងរបស់ពលរដ្ឋ។ ប្រធានាធិបតីចិនថ្វាយមេដាយមិត្តភាពដល់សម្តេចមហាក្សត្រីយានីនរោត្តមមុនីនាថសីហនុ។ សំឡេងពលរដ្ឋខ្មែរអាមេរិកាំងនៅក្រុងឡូវែល រដ្ឋម៉ាស្សាឈូសេត ឈានឡើងមួយកម្រិតទៀត។ រីឯព័ត៌មានអន្តរជាតិវិញមានដូចជា លោក Biden នាំមុខការរាប់សន្លឹកឆ្នោត ខណៈលោក Trump មិនទទួលយកលទ្ធផលឆ្នោត។ រដ្ឋមន្ត្រីការបរទេសអាល្លឺម៉ង់ថា «ប្រទេសអាមេរិកមិនមែនត្រូវកំណត់ដោយបុរសតែម្នាក់ទេ»។ ឧត្តមសេនីយ៍កំពូលរបស់ឥណ្ឌាថា ការប្រឈមមុខជាមួយចិនអាចបង្កឱ្យមានជម្លោះកាន់តែធំ៕

ព័ត៌មានសំខាន់ៗអំពីកម្ពុជាមានដូចជា បេក្ខជនខ្មែរអាមេរិកាំងនាំមុខក្នុងការបោះឆ្នោតក្រុងប្រឹក្សាក្រុង Long Beach។ កម្ពុជាប្រាប់អ.ស.ប.ថា ការចាប់ខ្លួនលោក រ៉ុង ឈុន ស្របតាមច្បាប់។ រីឯព័ត៌មានអន្តរជាតិវិញមានដូចជា ពលរដ្ឋអាមេរិកាំងចេញទៅបោះឆ្នោត នៅថ្ងៃអង្គារ។ បេក្ខជនប្រធានាធិបតីលោក Joe Biden មានសំឡេងនាំមុខកើនឡើងក្នុងការបោះឆ្នោតប្រធានាធិបតីអាមេរិក។ ការតវ៉ាធ្វើឡើងនៅតាមទីក្រុងមួយចំនួនរបស់សហរដ្ឋអាមេរិក ស្របពេលលទ្ធផលបោះឆ្នោតប្រធានាធិបតីមិនទាន់ប្រកាស។ ការព្យាយាមរបស់គណបក្សប្រជាធិបតេយ្យដើម្បីដណ្តើមសំឡេងភាគច្រើនក្នុងព្រឹទ្ធសភាអាមេរិក ទំនងត្រូវរារាំងដោយគណបក្សសាធារណរដ្ឋ។ ក្រុមអ្នកសង្កេតការណ៍បោះឆ្នោតពីអង្គការ OSCE រកមិន​ឃើញមានបញ្ហាជាប្រព័ន្ធក្នុងការបោះឆ្នោតអាមេរិកឆ្នាំនេះទេ។ ប្រទេសឥណ្ឌាអាចផលិតវ៉ាក់សាំងការពារជំងឺកូវីដ១៩ ដោយ​ខ្លួន​ឯងមុនកាលកំណត់ និងព័ត៌មានអន្តរជាតិផ្សេងៗទៀត៕