កម្មវិធីវិទ្យុពេលព្រឹក - វីអូអេ

By វីអូអេNews

កម្មវិធីវិទ្យុពេលព្រឹក - វីអូអេ episodes

November 04, 2020 ព័ត៌មានពេលព្រឹក៖ ៤ តុលា ២០២០ - វិច្ឆិកា 05, 2020
ព័ត៌មានសំខាន់ៗមានដូចជា សហគមន៍ខ្មែរ-អាមេរិកាំងនៅរដ្ឋវីជីនៀតូចប៉ុន្តែសកម្មក្នុងការបោះឆ្នោតប្រធានាធិបតី។ ខ្មែរអាមេរិកាំងខ្លះថា ពួកគេចង់ឲ្យលោក ត្រាំ កាន់តំណែងមួយអាណត្តិទៀត។ រដ្ឋាភិបាលហុងគ្រីចាប់ដៃកម្ពុជា រឿងសេដ្ឋកិច្ច ចំពេលនយោបាយរឹតត្បិតដូចគ្នា។ ព័ត៌មានអន្តរជាតិវិញមានដូចជា ការរាប់សន្លឹកឆ្នោតនៅបន្តធ្វើក្នុងការបោះឆ្នោតប្រធានាធិបតីអាមេរិកដែលមានភាពប្រកៀកប្រកិតគ្នា។ ខណៈការរាប់សន្លឹកឆ្នោតកំពុងបន្តធ្វើ ពិភពលោករង់ចាំមើលលទ្ធផលបោះឆ្នោតនៅក្នុងសហរដ្ឋអាមេរិក។ ផ្សារភាគហ៊ុននៅអាស៊ីមិនប្រតិកម្មអ្វីទៅនឹងការបោះឆ្នោតអាមេរិកដែលនៅមិនទាន់ដឹងលទ្ធផល។ អ្នកប្រឆាំងតវ៉ា បានជួបជុំគ្នាជិតសេតវិមានប្រធានាធិបតីអាមេរិក តែពុំឃើញមានភាពចលាចលណាមួយនោះទេ។ ក្រុមយុវជនបានច្រៀងរាំនៅលើផ្លូវ ខណៈពេលអ្នកឈរមើល ស្រែហោរអបអរពីក្រៅ។ ក្នុងថ្ងៃបោះឆ្នោត សហរដ្ឋអាមេរិកមានអ្នកត្រូវចូលពេទ្យដោយសារជំងឺកូវីដ១៩រហូត៥០.០០០នាក់។ បេក្ខជនក្នុងរដ្ឋ North Dakota ម្នាក់បានឈ្នះការបោះឆ្នោតក្នុងសភារដ្ឋនេះ ក្រោយស្លាប់ដោយសារជំងឺកូវីដ១៩៕
30 min
November 03, 2020 ព័ត៌មានពេលព្រឹក៖ ៤ វិច្ឆិកា ២០២០ - វិច្ឆិកា 04, 2020
ព័ត៌មានអំពីកម្ពុជាមានដូចជា តុលាការខេត្តកំពង់ឆ្នាំងបើកសវនាការលើអ្នកកាសែត ក្រោមបទចោទ«ញុះញង់» ប្តឹងដោយមន្រ្តីយោធាជាន់ខ្ពស់។ អ្នកឃ្លាំមើល៖ លទ្ធភាពនៃការកែលម្អដំណើរការប្រជាធិបតេយ្យកម្ពុជា អាស្រ័យលើមេដឹកនាំសហរដ្ឋអាមេរិក។ ខ្មែរអាមេរិកាំងនៅរដ្ឋ North Carolina ចេញទៅបោះឆ្នោតជ្រើសរើសប្រធានាធិបតី ពេលការិយាល័យបើកទ្វារ។ ព័ត៌មានអន្តរជាតិវិញមានដូចជា ពលរដ្ឋអាមេរិកបោះឆ្នោតនៅថ្ងៃអង្គារ ដើម្បីសម្រេចថា តើលោក Donald Trump ឬក៏លោក Joe Biden ជាប្រធានាធិបតីសហរដ្ឋអាមេរិកក្នុងរយៈពេល ៤ ឆ្នាំខាងមុខ។ ពលរដ្ឋអាមេរិករង់ចាំដោយអន្ទះសារចំពោះការបោះឆ្នោតផ្លូវការ នៅថ្ងៃអង្គារ។ អ្នកបោះឆ្នោតវ័យក្មេងមានចំនួនកើនឡើងសម្រាប់ការបោះឆ្នោតនៅថ្ងៃអង្គាររបស់សហរដ្ឋអាមេរិក។ គណបក្សប្រជាធិបតេយ្យខិតខំដើម្បីបន្តការត្រួតត្រារដ្ឋសភា ២ ឆ្នាំបន្ថែមទៀត។ សមាជិកក្រុមការងារប្រយុទ្ធនឹងកូវីដ១៩របស់សេតវិមាន ព្រមានថា អាមេរិកកំពុងចូលដល់«ដំណាក់កាលដ៏ប្រល័យ»មួយនៃជំងឺរាតត្បាតនេះ៕
30 min
November 02, 2020 ព័ត៌មានពេលព្រឹក៖ ៣ វិច្ឆិកា ២០២០ - វិច្ឆិកា 03, 2020
ព័ត៌មានអំពីកម្ពុជាមានដូចជា បងស្រីសកម្មជនថៃដែលបាត់ខ្លួន គ្រោងបង្ហាញភស្តុតាងនៅកម្ពុជា ខណៈអាជ្ញាធរថាមិនទាន់អាចបញ្ជាក់អំពីការចាប់ពង្រត់លើទឹកដីកម្ពុជា។ មន្រ្តីកម្ពុជាសង្ឃឹមថា ទំនាក់ទំនងកម្ពុជានិងអាមេរិកមិនផ្លាស់ប្តូរ ទោះក្រោមការដឹកនាំរបស់ប្រធានាធិបតីណាក៏ដោយ។ ព័ត៌មានអន្តរជាតិវិញមានដូចជា យុទ្ធនាការរបស់លោក Trump និងលោក Biden ទាក់ទាញទាំងអ្នកដែលមិនមែនជាអ្នកគាំទ្រខ្លួន និងអ្នកដែលមិនទាន់សម្រេចចិត្ត។ ជនប្រដាប់អាវុធវាយប្រហារទៅលើសាកលវិទ្យាល័យក្នុងប្រទេសអាហ្វហ្គានីស្ថានដោយសម្លាប់មនុស្សយ៉ាងតិច១៩នាក់។ លោក Trump គំរាមបណ្តេញវេជ្ជបណ្ឌិត Fauci ពីការងារក្នុងជម្លោះជាមួយអ្នកជំនាញជំងឺឆ្លងកំពូលរបស់ប្រទេសរូបនេះ។ ប្រធានអង្គការសុខភាពពិភពលោកធ្វើចត្តាឡីស័ក បន្ទាប់ពីបាននៅជិតអ្នកដែលបានឆ្លងជំងឺកូវីដ១៩។ នាក់ស្លាប់ដោយសារខ្យល់ព្យុះ Goni នៅហ្វីលីពីន កើនដល់ ១៦ នាក់៕
30 min
November 01, 2020 ព័ត៌មានពេលព្រឹក៖ ២ វិច្ឆិកា ២០២០ - វិច្ឆិកា 02, 2020
ព័ត៌មានសំខាន់ៗអំពីកម្ពុជាមានដូចជា ពលរដ្ឋខ្មែរមួយចំនួន បង្ហាញទស្សនៈចម្រុះអំពីបេក្ខជនប្រកួតយកតំណែងប្រធានាធិបតីនៅសហរដ្ឋអាមេរិក។ ប្រទេសកម្ពុជារំពឹងថានឹងបោសសម្អាតគ្រាប់មីនអស់ត្រឹមឆ្នាំ ២០២៥។ រីឯព័ត៌មានអន្តរជាតិវិញមានដូចជា យុទ្ធនាការឃោសនាបោះឆ្នោតប្រើប្រាស់ទូរទស្សន៍និងបណ្តាញព័ត៌មានសង្គម។ នៅថ្ងៃអាទិត្យ លោក Trump នឹងឃោសនាបោះឆ្នោតនៅរដ្ឋចំនួន ៥ រីឯលោក Biden នឹងឃោសនានៅរដ្ឋ Pennsylvania។ ការស្ទង់មតិបង្ហាញថា លោក Biden នៅបន្តនាំមុខលោក Trump ទូទាំងប្រទេស ប៉ុន្តែប្រកៀកប្រកិតគ្នានៅរដ្ឋដែលមានការប្រជែងខ្លាំង។ អ្នកគាំទ្ររបបរាជានិយមរាប់ពាន់នាក់ ធ្វើបាតុកម្មគាំទ្រព្រះមហាក្សត្រថៃ។ ចក្រភពអង់គ្លេសមានអ្នកឆ្លងជំងឺកូវីដ១៩ កើនដល់ជាងមួយលាននាក់។ អាស៊ែបៃហ្សង់ថា នឹងប្រយុទ្ធ «ដល់ទីបញ្ចប់» ប្រសិនបើការចរចារឿងជម្លោះនៅតំបន់៕
30 min
October 31, 2020 ព័ត៌មានពេលព្រឹក៖ ១ វិច្ឆិកា ២០២០ - វិច្ឆិកា 01, 2020
ព័ត៌មានសំខាន់ៗអំពីកម្ពុជាមានដូចជា រដ្ឋមន្ត្រីការបរទេសហុងគ្រីក្នុងសហភាពអឺរ៉ុបគ្រោងបំពេញទស្សនកិច្ចនៅកម្ពុជា។ ខ្មែរអាមេរិកាំងខ្លះនៅរដ្ឋ North Carolina ជួបប្រជុំជាមួយមន្ត្រីបក្សសាធារណរដ្ឋមុនថ្ងៃបោះឆ្នោត។ បណ្តារដ្ឋដែលអាចសម្រេចលទ្ធផលនៃការបោះឆ្នោតឆ្នាំ ២០២០ នៅសហរដ្ឋអាមេរិក។ លោក Trump និងលោក Biden ធ្វើយុទ្ធនាការនៅរដ្ឋប្រទាញប្រទង់ខ្លាំងនៅភាគកណ្តាលប្រទេស។ យ៉ាងតិចណាស់ មានមនុស្ស ២៧ នាក់ស្លាប់ដោយការរញ្ជួយផែនដីខ្លាំងក្លានៅតួកគីនិងក្រិក។ លោក Trump ធ្វើដំណើរទៅរដ្ឋ Pennsylvania លោក Biden ទៅរដ្ឋ Michigan នៅថ្ងៃបញ្ចប់យុទ្ធនាការ។ ក្រុមហ៊ុន Walmart ឈប់លក់កាំភ្លើង គ្រឿងសញ្វាវុធនៅមុនការបោះឆ្នោត។ តារាភាពយន្តល្បីល្បាញដែលគេស្គាល់ថា «James Bond ដំបូង» បានស្លាប់ក្នុងអាយុ ៩០ ឆ្នាំ៕
30 min
October 30, 2020 ព័ត៌មានពេលព្រឹក៖ ៣១ តុលា ២០២០ - តុលា 31, 2020
ព័ត៌មានសំខាន់ៗអំពីកម្ពុជាមានដូចជា អង្គការក្រៅរដ្ឋាភិបាលបន្តធ្វើហូលពិតាន ទោះតម្រូវការទីផ្សារផលិតផលនេះតូចខ្លាំង។ មន្ត្រីជាន់ខ្ពស់កម្ពុជាប្រតិកម្មនឹងសំណើឱ្យដកកម្ពុជាចេញពីអាស៊ានថាជា«គំនិតបង្កហេតុ»។ រីឯព័ត៌មានអន្តរជាតិវិញមានដូចជា អង្គការសហប្រជាជាតិថា សន្ធិសញ្ញាហាមឃាត់អាវុធនុយក្លេអ៊ែរ អាចនឹងចូលជាធរមាន។ លោក Trump និងលោក Biden ទៅឃោសនានៅរដ្ឋ Minnesota និង Wisconsin ដូចគ្នានៅថ្ងៃសុក្រ។ តួលេខមុនការបោះឆ្នោតប្រធានាធិបតីបង្ហាញថា សេដ្ឋកិច្ចអាមេរិកកើន ៧,៤% ក្នុងត្រីមាសទី៣។ រដ្ឋាភិបាលកាន់តែច្រើនពិចារណាបិទប្រទេស ស្របពេលដែលជំងឺកូវីដ១៩កើនឡើងជុំវិញពិភពលោក។ អ្នកកាន់សាសនាឥស្លាមរាប់ពាន់នាក់តវ៉ាប្រឆាំងរូបត្លុកបារាំង៕
30 min
October 29, 2020 ព័ត៌មានពេលព្រឹក៖ ៣០ តុលា ២០២០ - តុលា 30, 2020
ព័ត៌មានសំខាន់ៗអំពីកម្ពុជាមានដូចជា មន្ត្រីរដ្ឋាភិបាលចេញមុខដោះស្រាយវិវាទ នាំឲ្យសង្គមស៊ិវិលមន្ទិលពីឯករាជភាពតុលាការ។ ក្រុមសិល្បៈហ្វារនៅខេត្តបាត់ដំបង នឹងសម្តែងសៀកនិងធ្វើពិព័រណ៍អាហារ ដើម្បីបន្ធូរភាពតានតឹងក្នុងគ្រាវិបត្តិកូវីដ។ រីឯព័ត៌មានអន្តរជាតិមានដូចជា មនុស្សជាច្រើនទៅបោះឆ្នោត មុនពេលថ្ងៃបោះឆ្នោតក្នុងរដ្ឋ Florida។ អ្នកជំនាញថា តៃវ៉ាន់ត្រូវការសព្វាវុធយោធាផលិតក្នុងស្រុកបន្ថែមទៀត ដើម្បីទប់ទល់នឹងចិន។ លោកត្រាំ និងលោក Biden ធ្វើយុទ្ធនាការរកសំឡេងឆ្នោតក្នុងរដ្ឋ Florida នៅថ្ងៃព្រហស្បតិ៍។ ប្រទេសបារាំងនិងអាល្លឹម៉ង់ ដាក់វិធានការបិទប្រទេសជាថ្មីដោយសារការកើនឡើងនៃជំងឺកូវីដ១៩។ នៅឥណ្ឌូណេស៊ី រដ្ឋមន្ត្រីការបរទេសអាមេរិកចោទប្រទេសចិនថាជាអ្នក«គំរាមកំហែងធ្ងន់ធ្ងរបំផុតដល់សេរីភាពសាសនានាពេលអនាគត»។ ខ្យល់ព្យុះ Molave បង្កគ្រោះបាក់ដីជាច្រើនកន្លែង និងសម្លាប់មនុស្សយ៉ាងតិចនាក់នៅវៀតណាម និងព័ត៌មានអន្តរជាតិផ្សេងៗទៀត៕
30 min
October 28, 2020 ព័ត៌មានពេលព្រឹក៖ ២៩ តុលា ២០២០ - តុលា 29, 2020
ព័ត៌មានអំពីកម្ពុជាមានដូចជា អង្គការ HRW អំពាវនាវឲ្យរដ្ឋាភិបាលកម្ពុជា បញ្ឈប់ការធ្វើទុក្ខបុកម្នេញអ្នកតវ៉ា។ គ្រួសារចាត់ទុកការចោទប្រកាន់ «អយុត្តិធម៌» ក្នុងករណីសកម្មជនបក្សប្រឆាំងត្រូវចាប់ខ្លួនមិនឲ្យតវ៉ាមុខស្ថានទូតចិន។ អ្នកជំនាញស្នើចិនបង្ហាញទិន្នន័យទន្លេមេគង្គបន្ថែមទៀត។ ព័ត៌មានអន្តរជាតិវិញមានដូចជា រដ្ឋមន្រ្តីការបរទេសអាមេរិកនឹងទៅទស្សនកិច្ចប្រទេសវៀតណាម ក្នុងអំឡុងនៃដំណើរទស្សនកិច្ចនៅទ្វីបអាស៊ី។ អ្នកបោះឆ្នោតជាង ៣ លាននាក់ក្នុងរដ្ឋ Pennsylvania ដាក់ពាក្យសុំបោះឆ្នោតផ្ញើតាមប្រៃសណីយ៍។ កាលពីថ្ងៃអង្គារ លោក Trump និងលោក Biden ប្រឹងបន្តឃោសនាបោះឆ្នោតនៅតាមរដ្ឋដែលមានការប្រជែងខ្លាំង។ ពលរដ្ឋតង់សានីចេញទៅបោះឆ្នោតប្រធានាធិបតី និងសមាជិកសភា។ ប្រធានសភាអ៊ីរ៉ង់ឆ្លងជំងឺកូវីដ១៩ ខណៈអ្នកស្លាប់ដោយសារជំងឺនេះកើនខ្ពស់នៅក្នុងប្រទេស៕
30 min
October 27, 2020 ព័ត៌មានពេលព្រឹក៖ ២៨ តុលា ២០២០ - តុលា 28, 2020
ព័ត៌មានអំពីកម្ពុជាមានដូចជា អតីតអ្នកការទូតសិង្ហបុរី៖ អាស៊ានគួរពិចារណាដកកម្ពុជានិងលាវចេញ។ តុលាការកំពូល សម្រេចឲ្យបន្តស៊ើបអង្កេតលើអតីតអ្នកកាសែតអាស៊ីសេរីក្នុងករណីចារកម្ម។ ព័ត៌មានអន្តរជាតិវិញមានដូចជា អង្គការសហប្រជាជាតិមានអាយុ ៧៥ ឆ្នាំនៅថ្ងៃទី ២៤ ខែតុលា ឆ្នាំនេះ។ និយតករអាមេរិកថា ឱសថសាកល្បងមួយសម្រាប់ព្យាបាលជំងឺកូវីដ១៩ មិនមានប្រសិទ្ធភាពទេ ខណៈប្រទេសកំពុងប្រឈមករណីឆ្លងថ្មីដែលកំពុងកើនឡើង។ តុលាការកំពូលសហរដ្ឋអាមេរិករក្សាទុកសេចក្តីសម្រេចតម្រូវឲ្យសន្លឹកឆ្នោតតាមប្រៃសណីយ៍ទៅដល់មន្ត្រីរដ្ឋ Wisconsin ត្រឹមថ្ងៃបោះឆ្នោត។ មនុស្សរាប់ពាន់នាក់នៅរដ្ឋ Californiaភៀសខ្លួនចេញពីផ្ទះ ដោយសារការរាលដាលនៃភ្លើងឆេះព្រៃ។ ក្រុមបាតុករអាវលឿងក្នុងប្រទេសថៃ បង្ហាញការគាំទ្រចំពោះព្រះមហាក្សត្រ។ នាយករដ្ឋមន្រី្តម៉ាឡេស៊ី ទទួលបានការគាំទ្រពីអតីតគណបក្សកាន់អំណាច។ ករណីផ្ទុះក្នុងសាលាសាសនាអ៊ីស្លាមមួយកន្លែងនៅប្រទេសប៉ាគីសា្ថន សម្លាប់មនុស្សយ៉ាងតិច៨នាក់ និងរបួសជាច្រើននាក់៕
30 min
October 26, 2020 ព័ត៌មានពេលព្រឹក៖ ២៧ តុលា ២០២០ - តុលា 27, 2020
ព័ត៌មានអំពីកម្ពុជាមានដូចជា ខួបទី២៩នៃកិច្ចព្រមព្រៀងសន្តិភាពទីក្រុងប៉ារីសត្រូវប្រារព្ធដោយបាតុកម្មប្រឆាំងចិន។ លោក ហ៊ុន សែន ឲ្យអ្នករិះគន់បង្ហាញភស្តុតាងកិច្ចព្រមព្រៀងសម្ងាត់ជាមួយចិនរឿង «វត្តមានកងទ័ព»។ ព័ត៌មានអន្តរជាតិវិញមានដូចជា រដ្ឋមន្ត្រីការបរទេសអាមេរិកចាប់ផ្តើមទស្សនកិច្ចក្នុងប្រទេសឥណ្ឌា ដែលជាប្រទេសទីមួយក្នុងដំណើរទស្សនកិច្ច៥ថ្ងៃនៅអាស៊ី។ ប្រទេសអាមេនីនិងអាស៊ែបៃហ្សង់ ចោទប្រកាន់គ្នាទៅវិញទៅមកថាបានរំលោភលើបទឈប់បាញ់គ្នាដែលជ្រោមជ្រែងដោយអាមេរិក។ ទីក្រុងធំបំផុតទីពីររបស់អូស្ត្រាលី ត្រូវបើកឲ្យសកម្មភាពឡើងវិញ បន្ទាប់ពីបិទអស់បីខែដោយសារវិធានការទប់ស្កាត់កូវីដ១៩។ លោកស្រី Barrett អាចត្រូវបានតែងតាំងជាចៅក្រមតុលាការកំពូលអាមេរិកនៅថ្ងៃចន្ទ។ ចំនួនសន្លឹកឆ្នោតបោះមុនកាលកំណត់បានកើនលើសចំនួនកាលពីការបោះឆ្នោតប្រធានាធិបតីអាមេរិកឆ្នាំ២០១៦។ លោក Donald Trump យកចិត្តមនុស្សចាស់ ដោយសារមានការគាំទ្រតិចជាងលោក Joe Biden៕
30 min

About កម្មវិធីវិទ្យុពេលព្រឹក - វីអូអេ

From the publisher's feed

កម្មវិធីវិទ្យុពេលព្រឹកប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៥ព្រឹក ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពីកម្ពុជា សហរដ្ឋអាមេរិក អាស៊ី និងពិភពលោក។