កម្មវិធីវិទ្យុពេលព្រឹក - វីអូអេ

By វីអូអេNews

កម្មវិធីវិទ្យុពេលព្រឹក - វីអូអេ episodes

October 15, 2020 ព័ត៌មានពេលព្រឹក៖ ១៦ តុលា ២០២០ - តុលា 16, 2020
ព័ត៌មានសំខាន់ៗអំពីកម្ពុជាមានដូចជា ជំនន់ព្រែកត្នោតពន្លិចបុរីនិងកាត់ផ្តាច់ចរាចរណ៍ក្នុងខណ្ឌដង្កោ។ មន្ត្រីជាន់ខ្ពស់នគរបាលកម្ពុជា បដិសេធថាគ្មាន«ការិយាល័យ» FBIក្នុងទីបញ្ជាការនគរបាលជាតិ។ រីឯព័ត៌មានអន្តរជាតិវិញមានដូចជា ប្រទេសអ៊ូហ្គាន់ដាប្រឈមគ្រោះទឹកជំនន់និងការរាតត្បាតជំងឺ។ រដ្ឋ North Carolina ចាប់ផ្តើមការបោះឆ្នោតដោយផ្ទាល់មុនកំណត់នៅពេលដែលចៅក្រមរឹត បន្តឹងច្បាប់ការបោះឆ្នោតតាមប្រៃសណីយ៍។ នាវាពិឃាតសហរដ្ឋអាមេរិក បើកឆ្លងកាត់ច្រកសមុទ្រតៃវ៉ាន់ ធ្វើឲ្យចិនខឹងសម្បារ។ ក្រុមអង្គការសិទ្ធិមនុស្សតវ៉ាប្រឆាំងដំណើរទស្សនកិច្ចរបស់រដ្ឋមន្ត្រីការពារប្រទេសឥណ្ឌូណេស៊ីនៅសហរដ្ឋអាមេរិក និងព័ត៌មានអន្តរជាតិផ្សេងៗទៀត៕
30 min
October 14, 2020 ព័ត៌មានពេលព្រឹក៖ ១៥ តុលា ២០២០ - តុលា 15, 2020
ព័ត៌មានអំពីកម្ពុជាមានដូចជា អាជ្ញាធរខេត្តកំពង់ស្ពឺប្រកាសអាសន្នពីកម្ពស់ទឹកស្ទឹងព្រែកត្នោតក្រោយទំនប់ខ្នងភ្នំគីរីរម្យបាក់។ ពលរដ្ឋចាកចោលផ្ទះគេចពីជំនន់ស្ទឹងព្រែកត្នោតដែលលិចជាយខាងត្បូងក្រុងភ្នំពេញ។ សហជីពថា កម្មករចាប់ផ្តើមប្រមូលសំរាម ក្រោយក្រុមហ៊ុនស៊ីនទ្រីព្រមព្រៀងបើកប្រាក់អត្ថប្រយោជន៍នៅដើមឆ្នាំក្រោយ។ ក្រុមហ៊ុនស្ករថៃ Mitr Phol ថ្លែងការពារខ្លួនក្នុងគម្រោងវិនិយោគនៅកម្ពុជា ខណៈរងបណ្តឹងពីអ្នកភូមិខ្មែរ។ ព័ត៌មានអន្តរជាតិវិញមានដូចជា ព្រឹទ្ធសភាអាមេរិកប្រឹងប្រែងតែងតាំងលោកស្រី Barrett សម្រាប់តំណែងចៅក្រមតុលាការកំពូលមុនថ្ងៃបោះឆ្នោតប្រធានាធិបតីមកដល់។ លោកប្រធានាធិបតី Trump នឹងធ្វើការពិភាក្សាបែបវេទិកាសាធារណៈនៅថ្ងៃព្រហស្បតិ៍ ជួនគ្នានឹងគូប្រជែងរបស់លោក គឺលោក Joe Biden។ ក្រុមហ៊ុនឱសថអាមេរិក Eli Lilly ផ្អាកការសាកល្បងថ្នាំព្យាបាលជំងឺកូវីដ១៩ ដោយសារហេតុផលសុវត្ថិភាព។ ប្រទេសអាស៊ែបៃហ្សង់ចោទប្រទេសអាមេនីថា ព្យាយាមវាយប្រហារទៅលើបំពង់បង្ហូរប្រេងរបស់ខ្លួន ខណៈភាពតានតឹងនៅបន្តកើនមាន។ ក្រុមអវកាសយានិកអាមេរិកនិងរុស្សីធ្វើដំណើរដោយជោគជ័យទៅស្ថានីយអវកាសអន្តរជាតិដោយប្រើពេលតែ៣ម៉ោង៕
30 min
October 13, 2020 ព័ត៌មានពេលព្រឹក៖ ១៤ តុលា ២០២០ - តុលា 14, 2020
ព័ត៌មានអំពីកម្ពុជាមានដូចជា មន្ត្រីថា កម្ពុជាជួបជំនន់ធំមិនធ្លាប់មាននាជិតមួយទសវត្សរ៍ចុងក្រោយ។ សហជីពថា ភាគីពាក់ព័ន្ធស្វះស្វែងបន្តចរចាដើម្បីបញ្ចប់វិវាទការងាររបស់កម្មករក្រុមហ៊ុនស៊ីនទ្រី។ ទឹកជំនន់សម្លាប់មនុស្សយ៉ាងតិច១១នាក់នៅកម្ពុជានិង២៨នាក់នៅវៀតណាម។ ព័ត៌មានអន្តរជាតិវិញមានដូចជា យុទ្ធនាការឃោសនាបោះឆ្នោតប្រធានាធិបតីសហរដ្ឋអាមេរិកក្តៅគគុកមុនថ្ងៃបោះឆ្នោត។ កម្មវិធីស្បៀងអាហារពិភពលោកភ្ជាប់បញ្ហាអត់ឃ្លានទៅនឹងជម្លោះ ការប្រែប្រួលអាកាសធាតុ និងជំងឺកូវីដ១៩។ អង្គការសហប្រជាជាតិព្រមានពីគ្រោះធម្មជាតិច្រើនថែមទៀតដែលនឹងកើតមានជារៀងរាល់ឆ្នាំ ដោយសារបម្រែបម្រួលអាកាសធាតុ។ ការបោះឆ្នោតមុនពេលកំណត់ជួបបញ្ហារយៈពេលខ្លីក្នុងរដ្ឋGeorgia សហរដ្ឋអាមេរិក។ ចិនព្រមានប្រទេសអាស៊ីឲ្យប្រុងប្រយ័ត្នចំពោះយុទ្ធសាស្រ្តរបស់អាមេរិកក្នុងតំបន់។ ប្រភពនានាបញ្ជាក់ថា សេតវិមានបន្តគម្រោងលក់អាវុធ៣ប្រភេទដល់កោះតៃវ៉ាន់។ ក្រុមហ៊ុនឱសថ Johnson & Johnson ផ្អាកការសាកល្បងវ៉ាក់សាំងជំងឺកូវីដ១៩ បន្ទាប់ពីអ្នកស្ម័គ្រចិត្តទទួលវ៉ាក់សាំងម្នាក់ធ្លាក់ខ្លួនឈឺ៕
30 min
October 12, 2020 ព័ត៌មានពេលព្រឹក៖ ១៣ តុលា ២០២០ - តុលា 13, 2020
ព័ត៌មានអំពីកម្ពុជាមានដូចជា ចិនចុះកិច្ចព្រមព្រៀងពាណិជ្ជកម្មសេរីជាមួយកម្ពុជាផ្ដល់ជំនួយ«ប្រញាប់»១៤០លានដុល្លារ។ ពលរដ្ឋនៅភ្នំពេញត្អូញត្អែរអំពីការជន់លិចផ្ទះដោយសារភ្លៀងខ្លាំង ប្រព័ន្ធលូកកស្ទះ និងការលុបបឹង។ ព័ត៌មានអន្តរជាតិវិញមានដូចជា ព្រឹទ្ធសភាអាមេរិកបើកសវនាការសម្រេចលើបេក្ខភាពចៅក្រមតុលាការកំពូលទី៣ដែលតែងតាំងដោយលោក Trump។ ភ្លៀងខ្លាំងនិងទឹកជំនន់បានសម្លាប់មនុស្សយ៉ាងតិច១៧នាក់ក្នុងភាគកណ្តាលនៃប្រទេសវៀតណាម។ លោកJoe Biden នឹងទៅឃោសនាបោះឆ្នោតទ្រង់ទ្រាយធំជាលើកដំបូងក្នុងរដ្ឋ Ohio នៅថ្ងៃចន្ទ។ ប្រទេសអ៊ីរ៉ង់ប្រកាសពីចំនួនអ្នកស្លាប់ប្រចាំថ្ងៃដោយជំងឺកូវីដ១៩ខ្ពស់បំផុត រាប់ទាំងអ្នកឆ្លងជំងឺថ្មីផង។ ពលរដ្ឋអាមេរិកពីររូបទទួលរង្វាន់ណូបែលផ្នែកវិទ្យាសាស្រ្តសេដ្ឋកិច្ចឆ្នាំ២០២០។ ជនអនាថានៅរដ្ឋ California អាចបោះឆ្នោតបាន៕
30 min
October 11, 2020 ព័ត៌មានពេលព្រឹក៖ ១២ តុលា ២០២០ - តុលា 12, 2020
ព័ត៌មានសំខាន់ៗជំុវិញពិភពលោកមានដូចជា នាវានេសាទត្រីចិន ៣០០គ្រឿងនៅក្នុងសមុទ្រអាមេរិកខាងត្បូងនាំឲ្យមានកង្វល់សន្តិសុខម្ហូបអាហារ។ ការស្ទង់មតិរបស់មជ្ឈមណ្ឌលស្រាវជ្រាវ Pew បង្ហាញថា កេរ្តិ៍ឈ្មោះអាមេរិកលើឆាកអន្តរជាតិធ្លាក់ចុះ ក្រោមការដឹកនាំរបស់លោក Trump។ ពីមុនរារែក តែឥឡូវហេតុអ្វីចិនស្រាប់តែចង់ពិភាក្សាក្រមប្រតិបត្តិសមុទ្រចិនខាងត្បូង ដែលមានជម្លោះ។ តើជម្លោះលើកម្មវិធី TikTok ជាប្រផ្នូលអ្វីសម្រាប់វិស័យបច្ចេកវិទ្យា?
30 min
October 10, 2020 ព័ត៌មានពេលព្រឹក៖ ១១ តុលា ២០២០ - តុលា 11, 2020
ព័ត៌មានសំខាន់ៗអំពីកម្ពុជាមានដូចជា សេចក្តីព្រាងច្បាប់បទល្មើសបច្ចេកវិទ្យាព័ត៌មានដាក់បន្ទុកអ្នកផ្តល់សេវា ប៉ះពាល់ឯកជនភាព និងរឹតត្បិតសេរីភាពបញ្ចេញមតិ។ រីឯព័ត៌មានអន្តរជាតិវិញមានដូចជា ក្រុមអ្នកជំនាញព្រមានអំពីប្រទេសចិនប្រញាប់ប្រញាល់ប្រើវ៉ាក់សាំងកូវីដ១៩ ក្នុងករណីអាសន្ន។ ការជិះយន្តហោះកម្សាន្តដោយគ្មានគោលដៅសម្រាប់អ្នកដែលធុញថប់៕
30 min
October 09, 2020 ព័ត៌មានពេលព្រឹក៖ ១០ តុលា ២០២០ - តុលា 10, 2020
ព័ត៌មានសំខាន់ៗអំពីកម្ពុជាមានដូចជា ចិននឹងធ្វើពាណិជ្ជកម្មសេរីជាមួយកម្ពុជា ពេលលោកខាងលិចគាបសង្កត់កម្ពុជា។ តុលាការខេត្តកោះកុងចោទប្រកាន់ពលរដ្ឋ ១០ នាក់ ពីបទ«ញុះញង់បង្កភាពវឹកវរក្នុងសង្គម» ក្រោយការបន្តការតវ៉ារឿងដីធ្លី។ រីឯព័ត៌មានអន្តរជាតិវិញមានដូចជា សហរដ្ឋអាមេរិក ឥណ្ឌា និងប្រេហ្ស៊ីលមានករណីឆ្លងនិងស្លាប់ដោយសារជំងឺកូវីដ១៩ ច្រើនជាងគេក្នុងពិភពលោក។ ប៉ូលិសស៊ើបអង្កេត FBI ចោទប្រកាន់មនុស្ស ៦ នាក់ក្នុងផែនការចាប់ពង្រត់អភិបាលរដ្ឋ Michigan។ រដ្ឋាភិបាលអាល្លឺម៉ង់ថា ការរឹតត្បិតកាន់តែខ្លាំងឡើងក្នុងទីក្រុងគឺជៀសមិនផុត បើវិធានការនានាមិនមានប្រសិទ្ធភាព។ ប្រធានាធិបតីប្រទេស Kyrgyzstan ប្រកាសស្ថានភាពគ្រាអាសន្ន។ ព្រះមហាក្សត្រចាស់ជរានៃប្រទេសន័រវ៉េវះកាត់បេះដូងប្រកបដោយជោគជ័យ៕
30 min
October 08, 2020 ព័ត៌មានពេលព្រឹក៖ ៩ តុលា ២០២០ - តុលា 09, 2020
ព័ត៌មានសំខាន់ៗអំពីកម្ពុជាមានដូចជា លោក ហ៊ុន សែន កោតសរសើរក្រុមហ៊ុនឯកជនមិនបិទដំណើរការ គ្រាមានវិបត្តិកូវីដ១៩។ ដី ៦០០ ហិកតានៅខេត្តព្រះសីហនុ ត្រូវកាត់ឲ្យក្រុមហ៊ុនគ្រួសារឧកញ៉ា លី យ៉ុងផាត់ ខណៈរដ្ឋមន្ត្រីកសិកម្មថា «ទុកអត់ប្រយោជន៍»។ រីឯព័ត៌មានអន្តរជាតិវិញមានដូចជា ភ្លើងឆេះព្រៃនៅតំបន់ភាគខាងលិចសហរដ្ឋអាមេរិកគំរាមការផ្គត់ផ្គង់ទឹក ខណៈអាជ្ញាធរមានវិធានការ។ លោកប្រធានាធិបតីអាមេរិក Trump ច្រានចោលជម្រើសដេញដោលតាមអនឡាញជាមួយលោក Biden។ អង្គការសិទ្ធិមនុស្សអំពាវនាវឲ្យបិទជំរំ «ឃុំខ្លួន» ជនជាតិរូហ៊ីងយ៉ាក្នុងប្រទេសមីយ៉ាន់ម៉ា។ កវីអាមេរិកាំង Louise Gluck បានទទួលរង្វាន់ណូបែលខាងផ្នែកអក្សរសាស្ត្រ។ លោក Trump ថា កងទ័ពសហរដ្ឋអាមេរិកក្នុងប្រទេសអាហ្វហ្គានីស្ថាន គួរត្រឡប់មកសហរដ្ឋអាមេរិកវិញនៅបុណ្យណូអែល(Christmas)៕
30 min
October 07, 2020 ព័ត៌មានពេលព្រឹក៖ ៨ តុលា ២០២០ - តុលា 08, 2020
ព័ត៌មានអំពីកម្ពុជាមានដូចជា សហរដ្ឋអាមេរិកខកចិត្តចំពោះការវាយចោលអគារនៅរាម ខណៈលោកហ៊ុន សែនថាកំពង់ផែយោធាមិនមែនសម្រាប់តែប្រទេសចិននោះទេ។ ការទន្ទ្រានដីរដ្ឋដ៏ចម្រូងចម្រាសនៅមណ្ឌលគិរី ពាក់ព័ន្ធតាំងពីមេឃុំដល់សមាជិកព្រឹទ្ធសភា។ កម្មករប្រមូលសំរាមនៅភ្នំពេញសម្រេចចូលធ្វើការវិញ ក្រោយមានដំណោះស្រាយ។ ព័ត៌មានអន្តរជាតិវិញមានដូចជា នៅក្រុងតូក្យូ រដ្ឋមន្រ្តីការបរទេសអាមេរិកកោតសរសើរវេទិកា Quad ជាមធ្យោបាយមួយ«ទប់ទល់»នឹងឥទ្ធិពលចិន។ ពេលសភាអាមេរិកមានការខ្វែងគំនិតគ្នាខ្លាំង លោក Biden អំពាវនាវឲ្យមានការរួបរួមគ្នា។ ប្រធានាធិបតីអ៊ីរ៉ង់ព្រមានពីសង្គ្រាមរីកធំ បើការប្រយុទ្ធគ្នានៅបន្តរវាងប្រទេសអាមេនី និងអាស៊ែបៃហ្សង់។ ប្រទេសឥណ្ឌាសាងសង់ផ្លូវយុទ្ធសាស្រ្តក្នុងតំបន់ជម្លោះព្រំដែនជាមួយចិន។ អឺរ៉ុបបដិសេធបញ្ជូនអ្នកសង្កេតការណ៍បោះឆ្នោតទៅប្រទេស Venezuela នៅថ្ងៃទី៦ ខែធ្នូ៕
30 min
October 06, 2020 ព័ត៌មានពេលព្រឹក៖ ៧ តុលា ២០២០ - តុលា 07, 2020
ព័ត៌មានអំពីកម្ពុជាមានដូចជា សេចក្តីព្រាងច្បាប់បទល្មើសបច្ចេកវិទ្យាព័ត៌មានដាក់បន្ទុកអ្នកផ្តល់សេវា ប៉ះពាល់ឯកជនភាព និងរឹតត្បិតសេរីភាពបញ្ចេញមតិ។ អង្គការក្រៅរដ្ឋាភិបាល៖ ការស្រង់ស្ថិតិបុគ្គលិកដោយអាជ្ញាធរមូលដ្ឋានជាការគំរាមកំហែង។ ព័ត៌មានអន្តរជាតិវិញមានដូចជា តុលាការកំពូលសហរដ្ឋអាមេរិកអនុញ្ញាតការដាក់កម្រិតលើការបោះឆ្នោតតាមប្រៃសណីយ៍ក្នុងរដ្ឋ South Carolina។ ពលរដ្ឋអាមេរិកាំងជិត ៤ លាននាក់បានបោះឆ្នោតរួចហើយ ដែលជាចំនួនមួយខ្ពស់មិនធ្លាប់មានពីមុនមក។ ប្រធានគណៈកម្មាធិការរដ្ឋសភាថា មន្ត្រីទីភ្នាក់ងារ USAGM បំពានដែនសមត្ថកិច្ចរបស់ខ្លួន។ ច្បាប់វិនិយោគថ្មីរបស់ប្រទេសឥណ្ឌូណេស៊ី បង្កកំហឹងដល់ក្រុមអ្នកការពារសិទ្ធិកម្មករ និងបរិស្ថាន។ អ្នករិះគន់ទាមទារឲ្យមានការឆ្លើយតបខ្លាំងក្លាជាងមុនពីអឺរ៉ុប ជុំវិញការដាក់ថ្នាំបំពុលលើអ្នកប្រឆាំងរដ្ឋាភិបាលរុស្ស៊ី៕
30 min

About កម្មវិធីវិទ្យុពេលព្រឹក - វីអូអេ

From the publisher's feed

កម្មវិធីវិទ្យុពេលព្រឹកប្រចាំថ្ងៃរយៈពេល ៣០នាទីរបស់វីអូអេ នៅម៉ោង ៥ព្រឹក ដែលផ្សាយផ្ទាល់ពីរដ្ឋធានីវ៉ាស៊ីនតោន នាំមកជូនអស់លោកអ្នកនាងនូវព័ត៌មានអំពីកម្ពុជា សហរដ្ឋអាមេរិក អាស៊ី និងពិភពលោក។