កម្មវិធីវិទ្យុពេលព្រឹក - វីអូអេ podcast - Page 203

September 15, 2020 ព័ត៌មានពេលព្រឹក - កញ្ញា 16, 2020

ព័ត៌មានអំពីកម្ពុជាមានដូចជា ឧបការីអាមេរិកអំពាវនាវឲ្យដោះលែងជាបន្ទាន់សកម្មជនដែលត្រូវចាប់ខ្លួននៅកម្ពុជា។ ទីភ្នាក់ងារអង្គការសហប្រជាជាតិថ្កោលទោសការគាបសង្កត់កាន់តែខ្លាំងឡើងលើអ្នកការពារសិទ្ធិមនុស្សនៅកម្ពុជា។

ព័ត៌មានអន្តរជាតិវិញមានដូចជា អភិបាលរដ្ឋOregon ថារដ្ឋនេះកំពុងទទួលរងគ្រោះខ្លាំងដោយភ្លើងឆេះព្រៃមិនធ្លាប់មានពីមុនមក។ ប្រធានាធិបតីអាមេរិកលោក Trump នឹងរៀបចំពិធីចុះហត្ថលេខាលើកិច្ចព្រមព្រៀងនៃការបង្កើតទំនាក់ទំនងផ្លូវការរវាងប្រទេសអ៊ីស្រាអែល អេមីរ៉ាតអារ៉ាប់រួម និងបារ៉ែន។ ឥណ្ឌាថា ចិនរំលោភលើកិច្ចព្រមព្រៀង ដោយធ្វើសកម្មភាពកងទ័ពនៅតាមព្រំដែន។ របាយការណ៍ថ្មីបង្ហាញថា ជំងឺកូវីដ១៩ ប៉ះពាល់ខ្លាំងដល់កិច្ចប្រឹងប្រែងកាត់បន្ថយភាពក្រីក្រនៅជុំវិញពិភពលោក។ អាជ្ញាធរចិនបិទទីក្រុងជាប់ព្រំដែនមីយ៉ាន់ម៉ា បន្ទាប់ពីរកឃើញករណីឆ្លងកូវីដ១៩ ពីមីយ៉ាន់ម៉ា។ សិស្សរាប់លាននាក់ក្នុងប្រទេសប៉ាគីស្ថាន បានត្រឡប់ទៅសាលារៀនវិញ ខណៈការឆ្លងជំងឺកូវីដ១៩ ថយចុះ។ នាយករដ្ឋមន្ត្រីថ្មីជប៉ុនថ្លែងថា លោកជាកូនរបស់កសិករម្នាក់ ដែលបានទទួលជោគជ័យដោយការប្រឹងប្រែងខ្លួនឯង៕

30 min

September 14, 2020 ព័ត៌មានពេលព្រឹក - កញ្ញា 15, 2020

ព័ត៌មានអំពីកម្ពុជាមានដូចជា ការបង្ក្រាបអ្នកតវ៉ាបន្ថែមទៀតវាស់វែងឥទ្ធិពលរបស់សហភាពអឺរ៉ុបនៅកម្ពុជា។

ព័ត៌មានអន្តរជាតិវិញមានដូចជា ការប្រែប្រួលអាកាសធាតុក្លាយជាប្រធានបទមួយនៅក្នុងយុទ្ធនាការបោះឆ្នោតនៅសហរដ្ឋអាមេរិក។ ក្រុមហ៊ុន TikTok នៅអាមេរិក ត្រូវគេរាយការណ៍ថាអាចមានម្ចាស់ថ្មីគឺក្រុមហ៊ុន Oracle។ ប្រធានាធិបតីបេឡារុសធ្វើដំណើរទៅរុស្ស៊ី ខណៈមានបាតុកម្មបន្តប្រឆាំងរដ្ឋាភិបាលលោក។ សម្ព័ន្ធមិត្តលោកNavalny ឈ្នះអាសនៈមូលដ្ឋានខ្លះ ខណៈបក្សកាន់អំណាចរុស្ស៊ីប្រកាសជ័យជម្នះ។ ក្តីសង្ឃឹមចំពោះវ៉ាក់សាំងកូវីដ១៩ ជំរុញកំណើនទីផ្សារភាគហ៊ុនពិភពលោកនៅដើមសប្តាហ៍។ អនុប្រធានប៉ូលិសស្រុកស្បែកសម្នាក់នៅអាមេរិកត្រូវបណ្តេញពីការងារ ក្រោយបានវាយបុរសស្បែកខ្មៅ៕

30 min

September 13, 2020 ព័ត៌មានពេលព្រឹក - កញ្ញា 14, 2020

ព័ត៌មានអន្តរជាតិមានដូចជា ជំងឺកូវីដ១៩ មិនបានបង្អាក់ដល់ការជួញដូរគ្រឿងញៀនដែលកំពុងរីករាលដាលនៅតំបន់អាស៊ីអាគ្នេយ៍នោះទេ។ លោកស្រី Ivanka Trump បន្តរបៀបវារៈផ្តល់អំណាចដល់ស្រ្តីនៅអំឡុងពេលមានជំងឺរាតត្បាតកូវីដ១៩។ ជោគជ័យរបស់លោក Pompeo ក្នុងទីក្រុងប្រាក គឺជាការព្រមានដល់រដ្ឋាភិបាលក្រុងប៉េកាំង៕

30 min

September 12, 2020 ព័ត៌មានពេលព្រឹក - កញ្ញា 13, 2020

ព័ត៌មានអំពីពលរដ្ឋអាមេរិកាំងដើមកំណើតខ្មែរនៅក្នុងសហរដ្ឋអាមេរិកមានដូចជា បទសម្ភាសន៍អំពីស្ត្រីខ្មែរដែលជាប់ជាបេក្ខជនសមាជិកសភានៅរដ្ឋម៉ាស្សាឈូសេត (Massachusetts) រៀបរាប់ពីការតស៊ូនយោបាយ។ ផលិតករភាពយន្ដប្រារព្ធមហោស្រពភាពយន្ដក្រុងខ្មែរលើកទី ៨ នៅអាមេរិកតាមអនឡាញ ក្នុងអំឡុងពេលមានជំងឺកូវីដ១៩។ រីឯព័ត៌មានអន្តរជាតិវិញមានដូចជា អ្នកសារព័តមានទូរទស្សន៍ជាជនជាតិអូស្ត្រាលីម្នាក់បានត្រូវឃាត់ខ្លួនក្នុងប្រទេសចិន៕

30 min

September 11, 2020 ព័ត៌មានពេលព្រឹក - កញ្ញា 12, 2020

ព័ត៌មានអំពីកម្ពុជាមានដូចជា ក្រុមប្រឹក្សាសិទ្ធិមនុស្សអ.ស.ប. ថ្កោលទោសរដ្ឋាភិបាលកម្ពុជា ដែលបង្កើនការគាបសង្កត់ដល់អ្នកការពារសិទ្ធិមនុស្ស។ សកម្មជនសិទ្ធិមនុស្សស្នើសុំអន្តរាគមន៍ពីអាមេរិកជួយដោះលែងសកម្មជនកម្ពុជាដែលត្រូវបានចាប់ខ្លួន។ សហភាពអឺរ៉ុបបង្ហាញក្ដី«បារម្ភកម្រិតធ្ងន់ធ្ងរ»អំពីការបង្ក្រាបថ្មីៗបន្ថែមទៀតនៅកម្ពុជា។ រីឯព័ត៌មានអន្តរជាតិវិញមានដូចជា ប្រទេសចិននិងឥណ្ឌា ឯកភាពឲ្យកងទ័ពរបស់ខ្លួនបញ្ឈប់ការប្រឈមមុខដាក់គ្នាក្នុងតំបន់ព្រំដែនដែលមានជម្លោះ។ ស្រុក Arlington ក្នុងរដ្ឋ Virginia ប្រារព្ធខួបនៃការវាយប្រហារភេរវកម្មថ្ងៃទី១១ ខែកញ្ញាប្រចាំឆ្នាំរបស់ខ្លួន តាមរយៈប្រព័ន្ធអនឡាញ។ ប្រទេសឥណ្ឌាបានកត់ត្រានូវអ្នកឆ្លងជំងឺកូវីដ១៩ថ្មីចំនួនជិត១សែននាក់ក្នុងមួយថ្ងៃ។ អ្នកដឹកនាំរបបយោធាប្រទេសម៉ាលី បន្តកិច្ចប្រជុំកំពូលរយៈពេល៣ថ្ងៃ ស្តីពីគម្រោងបង្កើតរដ្ឋាភិបាលអន្តរកាលមួយ៕

30 min

September 10, 2020 ព័ត៌មានពេលព្រឹក - កញ្ញា 11, 2020

ព័ត៌មានអំពីកម្ពុជាមានដូចជា លោក ហ៊ុន ម៉ាណែត ប្រាប់កងទ័ពឲ្យមាន«ម្ចាស់ការ» ហើយព្រមានអ្នករិះគន់មិនឲ្យបំផ្លាញសន្តិភាព។ រីឯព័ត៌មានអន្តរជាតិវិញមានដូចជា ចិននិងអាមេរិកប្រជែងគ្នាក្នុងសប្តាហ៍នេះ ដើម្បីទទួលការគាំទ្រពីមេដឹកនាំអាស៊ានដែលមានការប្រុងប្រយ័ត្ន។ សហរដ្ឋអាមេរិកថានឹងកាត់បន្ថយទ័ពនៅអាហ្វហ្គានីស្ថានមកត្រឹម៤.៥០០ នាក់។ អាមេរិកដកហូតទិដ្ឋការរបស់និស្សិតចិនជាង ១.០០០ នាក់ ព្រោះពួកគេត្រូវជាប់សង្ស័យថាមានទំនាក់ទំនងជាមួយយោធាចិន។ ប្រទេសចិន និងប្រទេសជាច្រើនទៀតនឹងចូលរួមក្នុងសមយុទ្ធយោធានៅក្នុងប្រទេសរុស្ស៊ីចាប់ពីថ្ងៃទី២១ ដល់ ២៦ខែកញ្ញា។ សៀវភៅថ្មីមួយរៀបរាប់ថា លោក Trump ដឹងមុនពីគ្រោះថ្នាក់នៃវីរុសកូរ៉ូណា តែមើលស្រាលវីរុសនេះដោយចេតនា។ អគ្គីភ័យដ៏ធំឆាបឆេះនៅកំពង់ផែរដ្ឋធានីលីបង់ មួយខែបន្ទាប់ពីការផ្ទុះដ៏ប្រល័យ និងព័ត៌មានអន្តរជាតិផ្សេងទៀត៕

30 min

September 09, 2020 ព័ត៌មានពេលព្រឹក - កញ្ញា 10, 2020

ព័ត៌មានអំពីកម្ពុជាមានដូចជា ផលិតករភាពយន្ដប្រារព្ធមហោស្រពភាពយន្ដក្រុងខ្មែរលើកទី៨ នៅអាមេរិកតាមអនឡាញ អំឡុងពេលមានជំងឺកូវីដ១៩។ រដ្ឋាភិបាលកម្ពុជាប្រតិកម្មនឹងលោកស្រី រ៉ូណា ស្មីត ឲ្យគោរពគោលការណ៍ក្រមសីលធម៌។ ក្រុមការពារសិទ្ធិស្ត្រីអំពាវនាវឲ្យផ្ដន្ទាទោសអតីតស្នងការខេត្តកំពង់ធំរឿងការបៀតបៀនផ្លូវភេទ។ព័ត៌មានអន្តរជាតិវិញមានដូចជា ចិននិងអាមេរិក ប្រជែងគ្នាក្នុងសប្តាហ៍នេះ ដើម្បីទទួលការគាំទ្រពីមេដឹកនាំប្រទេសអាស៊ានដែលមានការប្រុងប្រយ័ត្ន។ អាជ្ញាធរអាមេរិកត្រៀមហាមប្រាមការនាំចូលផលិតផលកប្បាស និងប៉េងប៉ោះពីខេត្ត Xinjiang របស់ចិន។ ការសាកល្បងវ៉ាក់សាំងបង្ការជំងឺកូវីដ១៩ របស់ក្រុមហ៊ុន AstraZeneca ត្រូវបានផ្អាកបន្ទាប់ពីអ្នកទទួលវ៉ាក់សាំងសាកល្បងម្នាក់ធ្លាក់ខ្លូនឈឺ។ ថៃធ្វើតេស្តមនុស្សជិត៦០០នាក់ ពាក់ព័ន្ធនិងករណីអ្នកឆ្លងវីរុសកូរ៉ូណាម្នាក់ដែលមិនដឹងមូលហេតុឆ្លងពិតប្រាកដ។ ពិធីជប់លៀងក្នុងមង្គលការមួយក្នុងរដ្ឋ Maine បានបណ្តាលឲ្យមានអ្នកឆ្លងជំងឺកូវីដ១៩ ចំនួន១៦០ករណី៕

30 min

September 08, 2020 ព័ត៌មានពេលព្រឹក - កញ្ញា 09, 2020

ព័ត៌មានអំពីកម្ពុជាមានដូចជា ក្រុមសិទ្ធិមនុស្សក្នុងស្រុកនិងអន្តរជាតិបារម្ភចំពោះការចាប់ខ្លួនសកម្មជនជាបន្តបន្ទាប់។ លោក ហ៊ុន សែន ថា សំណុំរឿងលោក កឹម សុខា អាចពន្យារពេលដល់២០២៤ ខណៈមេធាវីជំរុញឲ្យពន្លឿន។

ព័ត៌មានអន្តរជាតិវិញមានដូចជា អេស្ប៉ាញ ក្លាយជាប្រទេសទី១ក្នុងតំបន់អឺរ៉ុបខាងលិច ដែលមានអ្នកឆ្លងជំងឺកូវីដ១៩ សរុបកន្លះលាននាក់។ ភ្លើងឆេះព្រៃក្នុងរដ្ឋ California ខណៈពេលមានខ្យល់ និងការដាច់ចរន្តអគ្គិសនី។ មេដឹកនាំបក្សប្រឆាំងនៅ Venezuela ស្នើឲ្យមេដឹកនាំយោធាគាំទ្រពហិការបោះឆ្នោតក្នុងខែធ្នូខាងមុខ។ ការិយាល័យសិទ្ធិមនុស្សអង្គការសហប្រជាជាតិថា ការកាត់ក្តីបទសម្លាប់លោកKhashoggi ខ្វះតម្លាភាព និងការទទួលខុសត្រូវ។ អង្គការសហប្រជាជាតិរំឭកកុំឲ្យភ្លេចស្ថានភាពសិទ្ធិមនុស្សក្នុងប្រទេសកូរ៉េខាងជើង។ អង្គការ WHO ថា វ៉ាក់សាំងកូវីដ១៩ អាចប្រើប្រាស់បានទូលំទូលាយនៅត្រឹមពាក់កណ្ដាលឆ្នាំក្រោយ៕

30 min

September 07, 2020 ព័ត៌មានពេលព្រឹក - កញ្ញា 08, 2020

ព័ត៌មានអំពីកម្ពុជាមានដូចជា យុវជនម្នាក់ត្រូវចាប់ខ្លួន ខណៈអាជ្ញាធរបំបែកការប្រមូលផ្តុំក្បែរទីលានប្រជាធិបតេយ្យ។ ការចុះពិនិត្យព្រំដែននៅត្បូងឃ្មុំ មិនទាន់ជម្រះមន្ទិលលើការបាត់បង់ដីដ៏ចម្រូងចម្រាសទេ។

ព័ត៌មានអន្តរជាតិវិញមានដូចជា អាជ្ញាធរប្រទេសចិនបានឈប់ផ្ដល់ប័ណ្ណសារព័ត៌មានដល់អ្នកកាសែតបរទេសដែលធ្វើការឲ្យស្ថាប័នព័ត៌មានអាមេរិកក្នុងប្រទេសចិន។ មេដឹកនាំប្រទេសមីយ៉ាន់ម៉ាអ្នកស្រី Aung San Suu Kyi បានផ្អាកកម្មវិធីដំបូងនៃយុទ្ធនាការឃោសនាបោះឆ្នោតរបស់អ្នកស្រីកាលពីថ្ងៃចន្ទ ដោយសារកូវីដ១៩។ រដ្ឋាភិបាលរុស្សីបានជំទាស់ទៅនឹងការប៉ុនប៉ង «ដោយគ្មានហេតុផល» នានាក្នុងការចោទថាខ្លួនបានបំពុលមេដឹកនាំគណបក្សប្រឆាំងលោក Alexei Navalny។ តុលាការថៃដោះលែងសកម្មជនសំខាន់ ២ រូប ដែលប្រឆាំងរដ្ឋាភិបាល។ ព្យុះទីហ្វុង Haishen បោកបក់លើប្រទេសកូរ៉េខាងត្បូង និងមានទិសដៅឆ្ពោះទៅរកប្រទេសកូរ៉េខាងជើង។ គោលនយោបាយសហរដ្ឋអាមេរិកសម្រាប់កូរ៉េខាងជើងឈានដល់ផ្លូវបំបែក នៅពេលការបោះឆ្នោតខិតជិតមកដល់៕

30 min

September 06, 2020 ព័ត៌មានពេលព្រឹក - កញ្ញា 07, 2020

ព័ត៌មានសំខាន់ៗនៅថ្ងៃនេះមានដូចជា សៀវភៅថ្មីមួយថា កម្លាំងចលករទីផ្សារនៅកូរ៉េខាងជើង មានឥទ្ធិពលខ្លាំង។ អង្គការសហប្រជាជាតិថា វិបត្តិជំងឺកូវីដ១៩ ជំរុញឲ្យមានវិបត្តិអប់រំលើពិភពលោក។ បទសន្ទនា VOA អំពីការផលិតកម្មវិធីផតខាសថ៍ «កម្ពុជាសម្លឹងទៅមុខ ឬ Envision Cambodia»៕

30 min