របាយការណ៍របស់អគ្គនាយកដ្ឋានគយ និងរដ្ឋាករកម្ពុជាបង្ហាញថា ទំហំពាណិជ្ជកម្មរវាងកម្ពុជាជាមួយទីផ្សារអន្តរជាតិរយៈពេល២ខែដើមឆ្នាំ២០២៥ មានប្រមាណ ៩,៤ពាន់លានដុល្លារ ពោលកើនចំនួន ១៦,៣% បើធៀបនឹងរយៈពេលដូចគ្នាកាលពីឆ្នាំ២០២៤។ អ្នកជំនាញសេដ្ឋកិច្ចខ្លះមើលឃើញថា កំណើនសេដ្ឋកិច្ចរបស់កម្ពុជានៅដើមឆ្នាំ២០២៥ នេះ ជាលទ្ធផលនៃការប្រឹងប្រែងរបស់រដ្ឋាភិបាលក្នុងការធ្វើកំណែទម្រង់សេដ្ឋកិច្ច។ តែអ្នកជំនាញសេដ្ឋកិច្ចខ្លះទៀតយល់ថា តុល្យភាពនៃជញ្ជីងពាណិជ្ជកម្មរវាងកម្ពុជាជាមួយអន្តរជាតិនៅមិនទាន់ល្អនៅឡើយទេ៕