តុលាការកំពូលនៅព្រឹកមិញនេះ បានបើកសវនាការលើសកម្មជនបរិស្ថាន៣នាក់ ទៅតាមបណ្តឹងសារទុក្ខ ដោយ​សារតែ​ពួកគេមិន​សុខចិត្ត​នឹង​ការ​សម្រេច​របស់សាលាឧទ្ធរណ៍។ សាលាឧទ្ធរណ៍​ដែល​ដាក់ ​លោក ថុន រដ្ឋា កញ្ញា ឡុង គន្ធា និងកញ្ញា ភួន កែវរស្មី ឲ្យស្ថិតក្រោមការត្រួតពិនិត្យដោយតុលាការពីបទ«រួមគំនិតក្បត់» និង«ញុះញង់» បន្ទាប់ពីសកម្មជនបរិស្ថាន​ទាំងនេះ ប្រកាស​ដើរក្បួន ​ជំទាស់នឹងការលុបបឹងតាមោក ​កាលពី២ឆ្នាំមុន។ កញ្ញា ភួន កែវរស្មី បានហៅការដែលដាក់ពួកគេឲ្យស្ថិតក្រោមការត្រួតពិនិត្យដោយតុលាការនេះ គឺជាការំខានដល់ការងារបរិស្ថាន។