អាជ្ញាធរ​ក្រុង​ភ្នំពេញ​បាន​ព្រ​មាន​ក្រុម​អ្នក​តវ៉ា​នៅ​មុខ​កាស៊ី​ណូ​ណាហ្គាវើលដ៍​ថា​ដើរ​ហួស​បន្ទាត់​ក្រហម​ ខណៈ​ពួកគេ​យក ចាន ឆ្នាំង ទៅ​ចំអិន​ម្ហូប​នៅ​កន្លែង​តវ៉ា​នៅថ្ងៃនេះ​។ ប៉ុន្តែ​ប្រធាន​សហជីព​ទ្រ​ទ្រង់​សិទ្ធិការ​ងារ​បុគ្គលិក​កម្មករ​ខ្មែរ​នៃ​ក្រុម​ហ៊ុន​ណាហ្គាវើលដ៏ លើក​ឡើង​ថា នេះ​បង្ហាញ​ឲ្យឃើញ​ពី​ការ​រង​ចាំ​ដំ​ណោះស្រាយ​ជិត​មួយ​ឆ្នាំ​នេះ ដែល​មិន​មាន​ស្ថាប័ន​ណា​មួយ​ជួយ​ដោះស្រាយ​បាន​។ ​សម្រាប់ កញ្ញា ឈឹម ស៊ីថរ បើ​គ្រាន់​តែ​ចំអិនម្ហូប​នៅ​កន្លែង​តវ៉ា ដើរ​ហួសបន្ទាត់​ក្រហម ឆ្លុះ​បញ្ចាំង​ថា កម្ពុជា​មិន​មាន​សិទ្ធិ​សេរី​ភាព​បញ្ចេញ​មតិ​នោះ​ឡើយ​។