ភ្ញៀវប្រចាំរបស់វិទ្យុ​បារាំង​អន្តរជាតិRFI នៅរាត្រីនេះ គឺកញ្ញា ឈឹម ស៊ីថរ ប្រធានសហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៏។ បុគ្គលិកនៃកាស៊ីណូដ៏ធំមួយនេះចំនួន៤នាក់​ទៀត​ទើប​យល់ព្រមទទួលសំណងពីការបញ្ឈប់ពីការងារ ខណៈនៅមានបុគ្គលិក១៦៨​នាក់​ទៀត​បន្តតវ៉ា។ កញ្ញា ឈឹម ស៊ីថរ បានអះអាងថា បុគ្គលិកដែលនៅសល់គឺមិនទទួលយកសំណងទេ ទោះបីជាសំណង​ច្រើនជាងមុនក៏ដោយ។ ហេតុផលត្រូវបាន​ប្រធានសហជីពរូបនេះ គូសបញ្ជាក់ថា ការតវ៉ាជាច្រើន​ខែដែលឈានដល់ជាប់ពន្ធនាគារកន្លងមកនេះគឺដើម្បីតែសេរីភាពសហជីព និងសិទ្ធិការងារ។ សូមស្តាប់​បទសម្ភាសរវាង អ៊ឹង ប៊ុនថន និង កញ្ញា ឈឹម ស៊ីថរ៖