យុវជនមួយក្រុមមានគ្នាប្រមាណជាង១០នាក់ បានប្រមូលផ្តុំគ្នានៅលើសួនច្បារស្តុបក្តាន់ពីរ បណ្តោយផ្លូវសហព័ន្ធរុស្ស៊ី កាលពីម្សិលមិញ និងថ្ងៃនេះបន្តជួបជុំនៅមុខសាលាច្បាប់បឹងត្របែកបន្តទៀត។ យុទ្ធនាការនេះ គឺយុវជន​​ធ្វើការ​ស្ទង់​​មតិ​ពីសាធារណៈជនចំពោះកោះកុងក្រៅ។ កោះកុង​ក្រៅ​ដែល​ត្រូវបាន​រដ្ឋាភិបាល​ប្រគល់ផ្នែក​ខ្លះ​ទៅ​ឲ្យឯកជនអភិវឌ្ឍ។ ប៉ុន្តែសកម្មជន​បរិស្ថាន យល់ថា ការ​អភិវឌ្ឍន៍នេះធ្វើ​ឲ្យ​ប៉ះពាល់​ដល់​ធនធានជីវចម្រុះ និង​បរិស្ថាន ហើយស្នើឲ្យដាក់កោះកុង​ក្រៅជាឧទ្យានជាតិសមុទ្រ។