Koɗo men hannde

Ko Ibrahima Jallo gooto e ardiiɓe fedde daraniinde hakkeji neɗɗo noddirteende "Amnesty Senegal" jaɓɓotoɗen hannde. Ɗum ko caggal nde Amnesty International ɓanngini e nder cimtol ngol ɓe tefi e nder leyɗe 150 ko faati e teddingol hakkeeji neɗɗo. E nder maggol leyɗeele Afrik ɗuuɗuɗe no jantaa, no jeyaa e majje, Senegaal. Heɗoɗen mo e faandu haala Abdullaay JALLO.

Ɗañaaɗo Marwa, nder jiha seɓɓatto woyla lesdi Kamerun, Garga Hamman Ajji ko o filloowo defte e boo ko o neɗɗo siyaassa. O laatanoke battan mo sarwiisi goferneman, o darino bo cuɓi ɗi 2004, 2011, 2018.O winndii defte ɗuuɗuɗe nder maaje (majje) ɗo tawee "le mal africain" fillaande e hitaande 2009. Deftere ndee suuriti jogaaɗe bonnuɗe ɗe ardiiɓe lesɗe Afrika jogori ɗe. Nde tuumi suuno bee kalleele ardiiɓe woodɓe hawtaade bee sirwaare yimɓe lesɗi. << ndey e noy ɓiɓɓe Afrika ɗoofirta nder saɗirma kaa? Deftere ndee tinndinii ñabbuuli ɗii ɓee ñawndiiguuji maaji>> seɗɗa ko hoosaa e nder maare.

Ko Souleymaan BAH lorriiriiɗo e ɗii warngooji 28 settaambur 2009,  ardiiɗo OGDH fedde daraniinde hakkeeji neɗɗo e ɓii-leydiiɓe Gine, woni koɗo men. O yewtidii e Abdullaay JALLO ko yowitii e no ñaawoore ɓee tuumaaɓe wonugol caggal ɗii bonandaaji bawto lebbi 6 gila nde fuɗɗii Konaakiri. Heɗoɗen mo.

Kanko ardii fedde wi’eteende 'Mouvement pour la transformation nationale'. O yewtidii e Aysha Sow ko faati e ɗii fitnaaji e seppooji wonuɗi e waɗude to baŋŋe dawro e nder leydi ndin. Kono kadi njuɓɓudi ndi o joganii ɓiɓɓe leydi ndin caggal nde o ɓangini faale makko ƴamude lefol laamu Senegaal e ɗii subngooji waɗooji e hitaande 2024. Heɗoɗen mo.

Keɗoɗen jooni ñoggannde jeewte waɗaaɗe ka taskaram On Tottaama Konngol e nder ndee yontere. Ko Faatumata Sisawaane waɗani en nde.

Koɗo men hannde ko Yahya Bello Dalaa'ilu, ko o ñaawiyankeejo hertorɗo lamnde ko faati e Afrik. Ko kanko woni fensitannde en jonnde "CEMAC" (leyɗe wuddu Afrik hawtuɗe kaalisi CFA),  waɓunde Yawunde e pellite mawɗe ƴettaaɗe e nder mayre, no jeyaa e ɗen  alhaali kaalisi "CFA", kuutorteeɗi moƴƴinaaɗi yaasi naadee e falnde nden. Wakkilgo e wallugo ko moƴƴintee e nokkuure nden. Mariyamu Muumini  yewtidii e makko, heɗoɗen mo.

Hannde ko Oliwiye Dibuwa jayndiyankeejo faransinaajo bismotoɗen. Ko kanko woni koɗo men hannde. Caggal nde o hewtiti hanki Faransi o yiidi e ɓeynguure makko nden. O yewtidii e "Dawid Bache" mo  RFI Afrik ko yowitii no o wonirnoo e ko holno o wuurdi e kuliyankooɓe ciwlinooɓe mo e nder ɗii duuɓi ɗiɗi. Ko Muusa Umar Barri firti haala makko.

Ko Umaar Siise hertoɗo to baŋŋe ndeenangu e nder Sahel e kuliyakaaku woni koɗo men hannde. O yewtidii e Abdullaay JALLO ko yowitii e accitugol Oliwiye Dibuwa hanki caggal nde o ciwla to rewo Mali gila hitaande ujune ɗiɗi e noogayi e go’o (2021). Ko Ñaamey, laamorgo Niijer o jaɓɓaa nde o accitaa. Ko woni darnde ardiiɓe Niijeer haa ngol accitugol waawi laataade ? Honno o wonirnoo e ɗii ɗuuɓi ɗiɗi e juuɗe kuliyankooɓe ɓen ? Heɗoɗen mo

Buubakar Njim ardiiɗo "Mouvement pour la sauvegarde des droits de l’homme" fedde daraniinde hakeeji neɗɗo Mali woni koɗo men. E faandu haala Abdullaay JALLO himo arta ko faati e no woɓɓe e ɓiɓɓe leydi ndin fawaa juuɗe caggal nde ɓe ƴetti konngol ngam haalude miijooji maɓɓe e no leydi ndin joggoraa. Tintinii ko yowitii e ndimaaku konngol e nder Mali. Heɗoɗen ɓe.

Keɗoɗen jooni ñoggannde jeewte waɗaaɗe ka taskaram On Tottaama Konngol e nder ndee yontere. Ko Faatumata Sisawaane waɗani en nde.