កាលពី​រាត្រី​ថ្ងៃទី​១៧​ខែ​កក្កដា ឆ្នាំ​២០២៤ ​លោកនាយក​រដ្ឋមន្ត្រី ​ហ៊ុន​ ម៉ាណែត ​បានស្លៀកពាក់​តុបតែង​បន្លំខ្លួន​ជា​ពលរដ្ឋ​សាមញ្ញ​ធ្វើដំណើរ​ទៅកាន់​ផ្សាររាត្រី ​(Pub Street) ​ស្ថិតនៅ​ក្នុងខេត្ត​សៀមរាប​។ ​វត្តមានរបស់​ប្រមុខរដ្ឋាភិបាល​នៅទី​សាធារណៈ​ដោយលាក់​បាំង​អត្តសញ្ញាណ ​និង​មិនឲ្យ​ដំណឹងមុន​ដូច្នេះ ​គឺ​ដើម្បីជួប​សំណេះសំណាល​ជាលក្ខណៈ​ឯកជន ​និង​ស្វែងយល់​ការពិត​ដោយផ្ទាល់​ជុំវិញ​ស្ថានភាព​របស់​ពលរដ្ឋ និង​អាជីវករ។ ​អ្នកតាមដាន​សង្គម​នានា​បានគាំទ្រ​នូវ​កាយវិការ​របស់​លោក​នាយករដ្ឋមន្ត្រី​ ក្នុងការ​ចុះទៅ​ផ្ទៀងផ្ទាត់​ព័ត៌មាន​ដោយសម្ងាត់​ជាពិសេស​បញ្ហា​ទេសចរណ៍​ដែលមាន​ភាព​ចម្រូងចម្រាស​។