ក្រសួងយុត្តិធម៌បានវាយតម្លៃតាមរយៈសន្និសីទកាសែតមួយកាលពីថ្ងៃទី១៣ ខែមករា ឆ្នាំ២០២៥ ថា តុលាការគ្រប់ជាន់ថ្នាក់បានដោះស្រាយសំណុំរឿងចំនួនជាង ១៨ម៉ឺនសំណុំរឿង (៨២,៤១%) ក្នុងចំណោមសំណុំរឿងសរុបនៅទូទាំងប្រទេសជាង ២២ម៉ឺនសំណុំរឿង។ សម្រាប់ក្រសួងយុត្តិធម៌ លទ្ធផលដែលទទួលបាននេះគឺជាជោគជ័យមួយប្រកបដោយប្រសិទ្ធភាព។ តែអង្គការសង្គមស៊ីវិលខ្លះមើលឃើញថា សំណុំរឿងដែលពាក់ព័ន្ធនឹងសកម្មជនសង្គម និងនយោបាយហាក់មិនត្រូវបានពន្លឿនឲ្យបានព្រមគ្នានៅឡើយទេ។