Kuma bɛ aw bolo

Kunu, Nigéria kɔkankominisiri  ye Niger kɔkanko minisiri ka jalakilikanw sɔsɔ. Alamusadon su Niger kɔkanko minisiri tun ye dantitigɛlisɛbɛn dɔ kalan u ka jabaraninso la, o min kɔnɔ, u be Nigeria jalaki, ko kɔkan jamanaw be k'u dogo a kɔfɛ, walasa ka Niger ka basigi yɔgɔ-yɔgɔ

 

Kimiebe Imomotimi Ebienfa, Nigéria kɔkanko minisiri ka kumalasela yɛrɛ de ye jalakilikan nunu bɛɛ sɔsɔ. A y'a lase k’olu jɔrɔlen don wa fana ko France sɔrɔdasiw ka daga fosi t'olu ka jamana kɛɲɛkan na i n'a fɔ Niger b’u jalaki cogo min na.

Ni furuku-furuku kɔlɔlɔ bɛ se ka kɛ mun ye? an y'o ɲininkali de tengun aw la bii.

Bi juma, aw segin na CEDEAO ka karilon tɛmɛlen, lajɛrɛ kan, AES jamanaw tagali kan, kɛrɛnkɛrɛniyara Sénégal jamana ɲɛma Bassirou Diomaye FAYE ka soronandon. O kɔ aw y'a laɲini k'an ka kuma Fransce jamanaden naani nunu labila. O sera ka kɛ, Maroc masacɛ, Roi Mohamed  VI ka soronalidon hokumu de kɔnɔ

Kunu tun ye tungaladenw tɔgɔlalon kɛrɛnkɛrenlen ye, wa kabi san 2000, san o san desenburukalo kile 16 bɛ laɲɛnemaya tunkarankew tɔgɔ.O latigɛ tara diɲɛ tɔn ba ONU yɛrɛ de fɛ k’o kɛ tunkalatagalaw tɔgɔla don kɛrɛn-kɛrɛnen ye sabu gɛlɛya caman de be tunkatagalaw kan diɲɛ kɔnɔ.O gɛlɛya dɔ ye tunkaranakew tununi ye tunkataga siraw kan. Wa lon wo lon mɔgɔw ni bi to tungan sira kan, munna dogodogotugantaga kɛlɛ ma nɔngɔ an fɛ Farafinna.
 

A san kelen ye nin ye Guinée jamana kɔnɔ desenburukalo tile 17 suu ka dugugwɛ a tile 18, pɛrɛnni dɔ kɛra ka tasuma ba mɛnɛ Conakry tajii marayɔrɔ, Coronthie king kɔ Kaloum gunkan dugu la. Mɔgɔ 20 ni kɔ tun bɔnɛna u nin na, sigidaladen bayirika ka sow tiɲɛna ani tiɲɛni wɛre caman. U hakɛ ka ca ni wa 2140 ye. Nga mɔgɔ caman bɛ ka marabaaw jalaki k'u ma fen bɛrɛ kɛ.

An ka bi mɔgɔ welelen ye Dr Mahadi KABA ye ka bɔ Conakry, hadamadenw ka hakɛw lafasatɔn ODH ɲɛma de don

Nigeria ɲafɛdolantan na  Ademola LOOKMAN de sugandira kunu ka kɛ Farafinna dolantanlaw bɛ ka ŋana ye ɲinan san kɔnɔ. O kɛra Farafinna ndolantan koɲanabɔkulu ka ɲanagɛ labenni senfɛ Marrakech Maroc jamana kɔnɔ. N'a ka dolantanton Atalanta Bergame ye, Ademola LOOKMAN ye Ligue Europa jɔnjɔn ta. Ale de kɛra celu 3w donbaga ye Bayer Leverkusen ɲakɔrɔ. A ni Nigeria dolantanton sera CAN finali la. A ka jɔnjɔn sɔrɔli ko kunu Ademola LOOKMAN k'ale sewa la.
Bi an ka mɔgɔ welelen ye farikoliɲanagɛ kunnafonidila Djakaridia CAMARA ye ka bɔ Côte d'Ivoire jamana na

CEDEAO jamanaɲɛmɔgɔw ka lajɛrɛ tako 66nan kɛra Abuja, Nigéria faaba kɔnɔ kunu. U y'a latigɛ ka jamana 3w ka bɔli kuntaga janya CEDEAO kɔnɔ wa kalo wɔɔrɔ de dira Burkina, Mali ni Niger ma.

Olu ye farankantɔn AES sigi ni k'a lase k'u bɛ senbɔ CEDEAO kɔnɔ. O bɔli tun ka kan ka waleya zanviyekalo tile 29 lon.

 

Nga CEDEAO ɲamɔgɔw b'a fɛ ka soronadon latagɛ ɲɛ janko AES jamana kana bɔ Farafinna tilebenyanfan tɔn kɔnɔ.

Yala aw ye CEDEAO ka latigɛ ninnu ye cogo di, aw y'aw ka hakilinaw fɔ o kan WathsApp kan, +221 76 644 12 79.

Bi juma, an ye kuma labila aw ye, aw ya ŋaniya ka segin ka kuma, Banbagaciw ka Syrie jamana ɲɛma Bachar AL-ASSAD bɔ fanga ra, Ghana jamana ɲɛma kɔrɔ John Dramani MAHAMA ka sebaya sɔrɔ jamanaɲɛnma kalataw ra, adamadenw ka hakɛw labatoli Farafinna, sɛnɛkɛlaw ni baganbalolaw ka bɛnbaliya.

Nin dɔgɔkun  ni na, mɔgɔ cama de fagara sɛnɛkɛlaw ni baganbalolaw ka kariɲɔngɔnna senfɛ Cameroun ani Tchad jamanaw ra, o kariɲɔngɔnnaw kɛ ka teli fana an ka Manden jamana cama kɔnɔ.Karilon fajiri fɛ lo Foulataw baganbalolaw ye binkani ra ka Timberi duguden sɛnɛkɛlaw sɛgɛrɛ Logone Oriental marabolo ra.Yen marabolo ɲɛma ka fɔra, o ye duguden 11 faga,

Cameroun Moussey ani  Massa, kabilaw lo karilaɲɔngɔnna, Gobo dugu ra, Extrème nord marabolo ra,  yen ɲɛma, Bakari Midjiyawa ka fɔra.Mɔgɔ saba lo fagara o kɛlɛ senfɛ, mɔgɔ 10 yirika mandiminan fana. Sow jɛnina, wa feere kɛyɔrɔw fana ciɲɛna na.Manden jamana cama kɔnɔ, sɛnɛkɛlaw ni baganbalolaw ka teli ka kariɲɔngɔnna fana.Yala mun bi se ka kɛ yasa bɛn ka sigi sɛnɛkɛlaw ani baganbalolaw cɛ, aw ka fɛlaw makɔnɔnlenlo wathsap kan +221 76 644 12 79.

Ɲinan ta bi kɛra kasɔrɔ an ka manden jamana cama kɔnɔ, i'n'a'f'ɔ Guinée, Burkina Faso, Niger ani a ɲɔgɔn na, kɔnɔ, hadamadenw bi diagoyaminɛ na, walima o lataga kɛlɛ ra diagoya ra, walima dɔ fana ka jamanadenya sɛbɛn bi bɔsi o bolo. Aw ye o ko famuya cogodi; mun ka kan ka kɛ yasa adamadenw ka hakɛw ka labato an ka jamanaw kɔnɔn, aw ka fɛlaw makɔnɔnlenlo wathsap kan +221 76 644 12 79.
 

Ghana jamana kan, fangasina cɛbɔ John Mahama lo ye sebaya sɔrɔ sibirilon jamana ɲɛma kalata la.A deli ka Ghana mara san 2012 fo san 2017. O sebaya lakodɔnna jamanaɲɛma dankan Mahamudu Bawumia,, ale min ye fanga ka politikitɔn NPPP ka cɛbɔ ye. Wa a ye o sebaya lakodɔn ka kɔn kalatakow cakɛda yɛrɛ ka jabiw ɲɛ,Aw, ye ni sebaya ni sɔrɔ famuya cogodi, ka bɔ jamana ɲɛmayara, ka kɛ fangasina ye, ka segin ka fanga ta, mun y'o karaba, aw ka fɛlaw makɔnɔnlenlo wathsap kan +221 76 644 12 79.