Kuma bɛ aw bolo

An bɛ doniw jigi Etats unis bi , yen min na, jamanaɲɛmaa Donald Trump bɛn'a  ka kalenkandi kɛ.  A ka san naani mara fɔlɔ kɔ, yala aw bɛ ka mun de makɔnɔ jamanaɲɛmaa in ka sarati filanan na ?
Aw yɛrɛ bolo Donald Trump bɛna se ka na ni yɛlɛma sugu jumɛnw de ye bi Etats unis ?

A tun ye layidu dili min kɛ ko a bɛna dan sigi Ukraine ni Russie ka kɛlɛ la walima Israël ni Palestine ta la , yala a bɛna se ka o lawaleya wa ? A ka laɲini ye dunan sɛbɛntanw gɛnni min fana ye ,n'a ye baara dabɔ yala o ko yelen bɛ aw fɛ cgo di? An b'aw ka hakilinaw lamɛn ni de kan sisan . walasa ka kɛnɛ in sankɔrɔta,  an ye ci sama Moussa Samoura de ma bɔ La Guinée politikiko dɔnbaga don

Waleɲumandon foli lakurayalɛn bɛ aw yɔrɔ a ka wati bɛ timinan dia kama. Bi juma aw ye a laɲini kaw dabɔɲɔngona babu min kan, olu bɛ tali kɛ Cote d’Ivoire politiki kɛnɛ taabolo la, yani octobre kalo nata jamanaɲɛmakalata cɛ , ka ta se Benin ka dɔgɔkun tɛmɛnen jatikɛwale binkani jugu ma.

An bɛ aw ka hakilinaw lamɛn ni babu nunu kan sɔni . O kɔ aw minnu ye a laɲini ka aw ka jateminɛ boli farafinna jamanaden dɔw latagali kan Russie fɛ Ukraine wasa ka taa u bila kɛlɛ  la.

Aw fana bɛna kuma da sɔrɔ wasa ka aw ka bi ɲinigaliw jabi, an baaraɲɔgɔn Moussa Coulibaly ani sanfɛ kalanfa Jean François Marie Camara de bɛ an bolo kɔrɔ.

Farafinna ndolanatanaw ka ɲɔgɔnsifilɛba CHAN tako 8 tɛna se ka kɛ fevrier kalo nata la bilen.

Wagati kura min ko fɔra a ko la sisan o de ye Aout kalo nata ye  , nka don kɛrɛnkɛrɛnnen ma fɔ.
CAF ka jateminɛw na kenya ni Tanzani ni Ouganda minun ka kan ka ɲɔgondan in bissimila olu ka labɛn bɛ ma sabati  i n'a fo ndonlantan yɔrɔ bani walima dunanjiginyɔrɔw labɛn ni  ka ta se dɔgɔtɔrɔsow ma.

Yala aw ye o ko famu wa ?

Mun dun batɔ kuma caman farafinna ka ni ɲɔgɔndan sugu bɛ bɔ u dɔgɔkɔrɔ ka sa sababu labɛn sabati baliya ye ?

Nin walew kɔlɔlɔw bi seka kɛ jumɛn  aw yɛrɛ bɔlɔ  an bɛ aw ka hakilinaw sɔrɔ sisan sisan ?

Mun ye aw ka ɲinigaliw ko ye aw kana jɔrɔ olu kola  Kader Traore bɛ an bɔlɔkɔrɔ o de kan ka bɔ Bɔ burkina Faso dolantan kunnafonidila don.

Folilakurayalɛn bɛ aw yɔrɔ, i ko aw bɛ a kalama cogomin kabini dɔgɔkun tɛmɛnen Benin jamana na bɛ dusutɔrɔkɔnɔ u ka sɔrasi 30 ɲɔgɔn ka fagali kɔ jatikɛwale binkanni dɔ senfɛ min togotikiya tara JINIM jatikɛwale kulu fɛ.

Nin de ye a ciɲɛfɔlɔ ni ɲɔgɔn binkanni jugu sugu ka ta ka jamana in sɛkɛrɛ.Benin sɔrasi ɲɛmaa dɔw ka jateminɛ na, sɔrasi jɛɲɔgɔna kɛbaliya  Cotonou ni a kɛrɛfɛ jamana dɔw cɛ jɛ ni fɔ Niger ni Burkina, ko de ye binkanni juguya.

Yala aw ye o ko di ?

Benin dun bi se ka fɛɛrɛjumɛnw  de bi ti kɛ wasa ka a kisi dɔgɔkun tɛmɛnen binkanni ɲɔgɔn ma?

Jamana in ka kan ka jigida min kanbi jatikɛwale kɛlɛli kola ? An bɛ aw ka hakilinanw lamɛn sisan sisan.

Sénégal jamana na hadamadenya jatew bɔli cakɛda ANSD ye dantigɛli dɔ bɔ dɔgɔkun tɛmɛnen min bɛ a yira ko dɔ fara la baaratanw hakɛ ka jamana in kɔnɔ san 2024 laban.

Cakɛda in ka jatew bɛ a yira kɛrɛnkɛrennen yala ko hadamaden baaratanw bɔra kɛmɛ sarala 19 gongon na ka kɛ 20 ani murumuru de ye wati kofɔlɛn in na.

O dɔrɔn tɛ yirala ko baaratanw na kɛmɛ sarala musow hakɛ bita 32 la, cɛw olu bɛ ta 11 ɲɔgɔn na.

O ko dun bi se ka famu cogo di?

Kasɔrɔ  Sénégal marabaga kuraw ka layidu kan do tun ye baradili ye cifinw ma u ka fanga ta waati mars kalo tɛmɛnen ?

Aw yɛrɛ bɔlo fɛrɛ ni dabali jumɛnw de bi seka tikɛ wassa do ka bɔ baara tanyala farafinna, an bɛ aw ka fɛlaw lamɛn sisan. Nɛkɛjurusira ye 00221-76-644-12-79 ye a la bilalɛn, bɛ aw bɛ ye aw bɛ ye .

Côte d'Ivoire jamana na, yala Alassane OUATTARA bɛna kɛ cɛbɔ ye kalata nata la wa? Sugandili in tɔ tora kalo damanin, a ma fɛn fɔ a o kan. A ka dantigɛli senfɛ, san laban na, Alassane OUATTARA kumana kalata in kan, a ko a bɛna kɛ tilennenya ni jɛlenya kan, nka a ma fosi fɔ ale yɛrɛ ka taliko kan. Aw hakilina ye mun ye?

Bi, juma aw segin na aw ye France jamanaɲɛma ka dantigɛlikanw ka ɲɛsin FarafinNa marabagaw ma , o min sɛnfɛ Emanuel Macron ko,  farafinna ma olu waleɲumandon u ka sɔrasi  ka  baaraw ko la, O kɔ aw minu y'a laɲini ka ta Ghana yasa ka kuma John Dramani Mahaman ka baara ta kan jamana in kun.

  Bi, an ye kuma di aw ma, fangasina dɔw ka kaso la taga de kan Farafinna u ka dantikɛliw sababu la. A misali laban dɔ ye Guinée  politikiton Model ɲɛma Aliou Ba ye . o min ɲangira ni dɔgɔkun  in na ni san 2  kasso ye, bawɔ a y'a fɔ ko generali Mamadi  Doumbouya ka donnatɛmɛfanga taagabolo maɲni ani ko diɲɛmɔgɔw tɛ  ka u jɔyɔrɔ fa Guinée.Ale kɛrɛfɛ Mali  jamana fana na hakilinafɔla caman de  bɛ kaso la a bɛ waati bɔ bi  u ka mirinaw fɔli kama jamana in taabolo kan.Yala aw dun  ye mun famu o ko la ? ni misaliw ɲɔgɔn bɛ aw baara wa ?aw yɛrɛ bɔlɔ jamana bi se ka mara kasɔrɔ kuma da madi mɔgɔw ma wa?

Bi araba a bɛ kuma di aw ma France jamanaɲɛmaa  ka tɛnɛn don dantigɛli de kan Paris, ka ɲɛsin farafinna marabagaw ma. Emanuel Macron ko farafinna ma waleɲumandon kɛ olu ye u ka sɔrasibaaraw ko la ko kasɔrɔ ko n'olu tun tɛ ko jamana dɔw tun tɛna se ka yɛrɛmahɔɔrɔnya kuma fɔ bi. O dɔrɔn tɛ, France jamanaɲɛmaa in k'olu de ye latigɛ ta ka falen don u ka sɔrasibaaraw la Farafinna ko nka u ye kunnafoni in dili bonya to Farafinna marabagaw de bolo.

Ka kɛɲɛ ni nin kuma nunu ye Farafinna marabaga dɔw ye jabili kɛ  i n'a fɔ Tchad ni Sénégal, walasa k'a yira ko France  sɔrasiw ka tagali miirina bɔra olu yɛrɛ de la.

Yala aw dun ye mun faamu nin ko in na? Fan fila nunu na? mɔgɔ bɛ se ka da jɔn na ? Nin sira kan aw yɛrɛ bolo siniɲɛsigi jumɛn  be  France ni Farafinna ka  baaraɲɔgɔnya la sisan. Bii ɲiningaliw bɛna jaabi an ye Mohamed Traore de fɛ ka bɔ Sénégal Politikiko dɔnbaga don.

Kalo kelen jamana ɲɛmɔgɔ kalafiliw kɔ, John Dramani Mahama ye seebaya sɔrɔ o min na, a yɛrɛ ye a ka Kalenkandi kɛ bi, mɔgɔ ba-caman ɲɛkɔrɔ, ka bɔ Ghana kɔnɔ ani Kɔkan. A ka kanɲiniɲɛnagɛ waati a ye lahidu caman de ta, i'n'afɔ Ghana ma , ni sɔrɔ yiriwali , ni yurukuyuruku kɛlɛli.

.Ko wɛrɛ jamanaɲɛma in ko a bina fanga don mina o ye Cacao sɛnɛ ye Ghana .   Yala aw ye ni layidu kanw ko ye di ? John Dramani Mahama bɛna se ka ni layidu nunu bɛ timɛ wa ?aw yɛrɛ bɔlɔ jamanaɲɛma in ka kan ka sinsin mun de fɔlɔ kan a ka ni sarati kura in na wassa a ka segin ka kɛ jigifa ko ye Ghana kuna na ? An bɛ aw hakilinaw la mɛ sisan . Yassa ka jabi di aw ka bi ɲinigaliw ma an ye ci sama Satigui Kone de ma ka bɔ cote d’ivoire .