Kuma bɛ aw bolo

Guinée jamana kɔnɔ, donnatɛmɛfangaɲɛmaa general Mamady Doumbouya tun y'a fɔ ko  desanburukalo 31 tɛmɛnen  ko san 2025 bɛna  kɛ kalata san ye jamana in kɔnɔ.  Marabagajɛkulu ka kumanlasela  ye kuma kura fɔ dɔgɔkun tɛmɛnen a ko kan.
 

Ousmane Gaoul Diallo k'ale ma da la n'a ya sɔrɔ kalata ko fɔlen bɛna  se ka kɛ yani desanburukalo nata cɛ .Minisiri in ka fɔla labɛnw de ma sabati halissa . yala aw ye o ko ye cogodi ?dafara doni Mamady Doumbouya n'a ka minisiri ka dantigɛli cɛ o bɛ mun de yira  aw yɛrɛ bɔlɔ?

I ko kalo o kalo juma laban , kuma ye mussow ta ye bi ko kura . Bi ka kɛnɛ bina tali kɛ ginetan kojigi kɛli de la anga kɔɲɔw la.

Kumadɔ dow bɛ u seko kɛ , fo ka se u kɛɲɛ ko ma u ka furusiri don. A dɔ bɛ tali kɛ ɲagabaw la ka ta waridiw ma jelima walima ka juruta wassa ka don in latɛmɛ nissondiaya kɔnɔ. Yala o ko yɛlɛn bɛ aw fɛ tokodi ?

Ginetan ko jugun furusiri don an nafa ni a kɔlɔlɔw bi seka kɛ jumen ye . an bɛ aw ka hakilinaw lamɛn ni de kan sisan sisan , wassa ka kɛnɛ in sankɔrɔ tan an ye ci sama sigida kow dɔnbaga Sira Soumaré ma ka bɔ Malila ani Mussow bila sirabagaa

Madar Sangaré ma ka bɔ Cote d’Ivoire .

Tchad fangasina Succès Masra, y’a fo kunu taratadon, k'ale labɛnnendon ka baaraɲɔgɔnya kɛ ni jamanakuntigi Mahamat Idriss Déby ye.Fangasina politikitɔnɲɛma, in ye ni jabi di, Tchad jamanakuntigi kɛlenkɔ ka jira dɔgɔkun tɛmɛnen, ko a ka dayɛlɛlendon politikitɔnw bɛɛ yen.Wa Succés Masra min tun yɛrɛ bana ka talikɛ, wasadenw kalataw la, labana a son olu jabiw ma, nin k'a ka danaya lakuraya Tchad jamana ka fangabolow ma, 

Yala ni dantigɛli ye aw kun minɛ wa ?.Mun  de bɛ se ka famu succès Masra ka ni guloki yɛlɛma in na ? wale in  kɔlɔlɔ bi se ka kɛ jumɛn de ye  fangasina in  ka  politiko taabolo ma?

A ko banna pewu ! Mali, Niger ani Burkina Faso sen-bɔra Cedeao la. AES jamana saba nunu tun y'u ka bɔli lase kabini zanwiyekalo tile 28 san 2024. Nka, Cedeao ka sariyaw la, san kelen de tun b'u bolo u ka se ka segin u kɔ. O san kelen in dafara sisan. Laselisɛbɛn kɔnɔ, CEDEAO ye AES jamana saabaw ka bɔli sɛmɛtiya.

Cedeao k’a b’a ɲini tɔn in jamana 12 bɛɛ fɛ, u ka AES jamanadenw ka sɛbenw lakodɔn cedeao yɛrɛ ka taamasiyɛn bɛ minnu kan. Taamasɛbɛn Passport fara bugunatigɛ sɛben wɛrɛw kan. Taaninkasegin ko hakɛw ka to u ye kasɔrɔ taamayamuya sɛbɛn VISA ko t’a la, fɔ ka taa se sigili hakɛw ma Cedeao jamanaw kan ko yɛlɛma kana don o si la fɔ waati min.Yala aw mun famu o ko la ? Aw yɛrɛ bɔlɔ AES jamanaw ka kow bɛ sabatilendon wassa ka jɛn Cedeao kɔ wa ?

Sigi kun kɛlendon k'a makɔnɔn kosɛbɛ. Nga, kunu ntolantankulu 24 w bɛɛlajɛlen y'uw ka kuluw dɔ. Kulu A kɔnɔ, CAN labɛnbaga, Maroc beyi. O kulu in kɔnɔ, Mali, Zambie ani Comores beyi. Kulu F, kɔnɔ, Farafinna ntolantan ŋana kulu fila beyi. O yɛrɛ ye, Cameroun ani Côte d'Ivoire de ye. Kulu E kɔnɔ, Mande jamana dɔ beyi, Burkina Faso. Olugu ka kulu in kɔnɔ, Algerie, Guinée Equatoriale ani Soudan beyi. Sira Niambélé b'a tɔ ɲɛfɔ anw ye.

Mɔgɔ bi sɛ ka kulu gɛlɛn ko kuma fɔ walima kulu nɔkɔman ko wa? an bɛ aw ka jatiminɛw ni aw ka hakilinaw lamɛn sisan.

A bɛ san damadɔ  bɔ fan fila nunu karilɛndon ɲɔngɔn na mara in dɔgɔjukɔrɔ nafaw nɔfɛ  kola n’ga ni dɔgɔkun furancɛ in ta de juguyara .
Sɔgɔmada in na kisɛcikan mɛna Goma ko kura , kunnafoni sɔrɔlɛn bɛ a yira ko banbanciw ye mara in nimanyɔrɔ dɔw minɛ.

Ni bɛ bi ka kɛ kasɔrɔ diɲɛ tonba Onu ye lajɛ karabalɛn kɛ kunu wasa ka a laɲini ɲangiliw kabi Rwanda jamana kan o min jalakilen bɛ M23 Banbanci kɔkɔrɔmadonni la . Yala aw ye o ko ye di ?aw yɛrɛ bɔlɔ fura jumen de bi se ka sɔrɔ RD congo ni M23 banbanciw ka ni waati bɛ mankan la an bɛ aw ka hakilina cilɛnw lamɛn sisan , aw ka bi ɲinigaliw  olu bina jabi an baraɲɔgɔn  Tiemoko Diarra de fɛ ka bɔ Dakar .

Aw cayara bi,  ka kuma AES jɛkulu ka latikɛ kan ka kɛlɛcɛ ba 5 bila senkan don nataw la wasa ka nin kura fiyɛ u ka jatikɛwale kɛlɛli la, n'a bɛ aw ka hakilinanw sɔrɔ o kan sɔni.

O kɔ, aw min ye a laɲini ka ta Etats-Unis wasa k' aw fɛla fɔ Donald TRUMP ka latikɛ fɔlɔw kan a ka segin kɔ jamana in kunna aw fana bɛna kuma sɔrɔ.

Min ye aw ka ɲinigali kɛlɛw ko ye wasa ka jabi di olu ma , Brehima Sidibé de bɛ an bɔlɔkɔrɔ bi ka bɔ faransi , politikiko dɔnbaga don.

Wasa ka nin kura fiɲɛ jatikɛwale kɛlɛli la AES marabagaw ye latikɛta ka sɔrasiba 5 bila sɛnka dɔgɔkun nataw la.

O kɛlɛcɛw bina bɔ Burkina ni Mali ni Niger de. O dɔrɔn tɛ tɔn in ka laɲini ye kɛlɛkulu in ka se ka AES sanfɛ dancɛ ni dugumadanjɛw kɔlɔci, ani  ka  kundolakunafoniw ɲini a yɛrɛ.

Niger kɛlɛbɔlɔ minisiri Salifou Mody ye a sɛmɛntiya ko kɛlɛlɛ kulu in ka musakaw bɛna bɔ AES jamanaw yɛrɛ de kunna.   

Yala aw ye o kunnafoni kunbɛn cogo di?

Aw ye kalan kɛ fanaAES/TOGO : Mɔgɔ bɛ se ka mun faamu Togo kɔkanko minisiri ka o don dantigɛli kan AES tɔndenya ko la?

Nin latikɛ in bɛ se ka yɛlɛma jumɛn don sahel jatikɛwale kɛlɛli la?

Kulu min kuma bi ka fɔ yala ale bƐ fusaya ni G5 sahel ye wa ?

An bɛ aw ka hakilinan silenw lamɛn sisan. Wasa ka jabi di aw ka bi ɲinigali kɛlenw ma an ye ci sama Dr Ali Tounkara de ma ka bɔ Bamako lakana ko dɔnbaga don.

Gabon jamanaɲɛmayakalata tɔ tolɛn kalo 7 ɲɔgɔn ye farakantɔn dɔw bɛ ka u sɔn donnatɛmɛfanga ɲɛmaa weleli la ko a ka kɛ cɛbɔ ye. Karidon mɔgɔ dɔw farala ɲogɔn  Librevielle  ka u nganiya da Brice Oligui Nguema ɲɛkɔrɔ.

U ye CFA wari miliyɔn 20 faraɲɔgɔnkan wasa o ka kɛ donnatɛmɛfanga ɲɛmaa in y'a kan bɔli wari. N’ja fo yan Brice Oligui Ngema yɛrɛ ma dantigɛ ni a ya sɔrɔ a bina kɛ cɛbɔ ye walima ni a tina kɛ a ye .

Yala aw ye o ko ye ? Gabon donntɛmɛfanga ɲɛmaa in bɛna sɔn ka a kanbɔ ? Ni a kɛra talikɛfin ye kalata nata in na.

Yala aw yɛrɛ bɔlɔ Brice Oligui Nguema ka  garisɛkɛw bi se ka kɛ jumɛn ye?

An bɛ kuma di aw ma sisan sisan, wasa ka jabi di aw ka bi ɲingaliw ma an ye ci sama Thiambel Gimbayara de ma ka bɔ Paris , politikiko dɔnbaga do.

A bɛ se ka kɛ Togo bɛna don AES tɔn na don dɔ la, ni tɛ ne ka kuma ye, Togo kɔkanko minisiri de ye nin dantigɛli in kɛ kunnafonidila dɔ ɲɛmaa dɔgɔkun tɛmɛnen Lomé.

Robert Dussy ka fɔ la AES toɔn yɛlɛn bɛ ɲɛɲuman na Togo jamanadenw fɛ. Yala aw ye nin hakilinan in kunbɛ tokodi?

Ka don Allience des Etats du sahel ni a lawaleya a nafa bi se ka kɛ mun ye Togo ma?

AES ko yɛrɛ yɛlɛn bɛ aw fɛ bi cogo di bi san kɛlɛn ni kɔ kulu in sigikɔ?

An bɛ aw ka hakilinanw lamɛn sisan sisan, nɛkɛjurusira ye 00221-76-644-12-79 ye .