En la stailalva dad oz preschentain nus 4 discs novs.

L'entschatta fa Roland Kaiser, il star da schlagher cun ses 30avel album «Perspektiven». Plinavant tadlain nus musica nova da Marie Reim, dad ella tadlain intgins tocs da ses 2. album «Bist Du dafür bereit ?». Alura avain novas dal schlagher popular e quai da die Jungen Zillertaler. Il 22avel disc dals 3 Tirolais cun il num «Tiroler Luft». Per finir tadlain anc intgins tocs dal disc «Herzanziehungskraft», lalbum nov da Monique, la chantadura da schlagher dal chantun Berna.

Redacziun: Christa Soliva

Il mais settember – Per bleras e blers grischuns il pli bel temp da l'onn. La chatscha ha cumenzà – tgi sa, forsa che in u l'auter siemi è gia ì en vigur!

Cun chanzuns da chatscha e natira vul era «la Stailalva» dad oz far gust sin la 5avla stagiun e giavischar vinavant a tuttas e tuts bels dis or en la natira e natiralmain ina buna chatscha, en bucca d'luf!

Nus giain bun 40 onns enavos e tadlain schlaghers dals onns 70. Igl è sco dad ir en in auter mund! Dentant, tgi avess cartì, plirs dals hits da lezzas uras aud'ins anc oz – els èn daventads semperverds.

Per exempel: «Griechischer Wein» dad Udo Jürgens, «Schach matt» da Roland Kaiser, «Blue Bayou» da Paola, «Swiss Lady» da Pepe Lienhard ed uschia vinavant.

«La Stailalva» dad oz avra anc ina giada la valisch che cuntegn ina massa chanzuns da stad u simplamain chanzuns che fan buna luna.

L'entschatta fan ils Mölltalers cun «Auf gehts Buam». Plinavant tadlain nus ils Stoakogler cun «Stoakogler Reggae», Stefanie Hertel e Stefan Mross cun lur hit «Mambofieber», a Francine Jordi cun ses hit «Tanz, Alexis tanz», Melissa Naschenweng cun «El fuego» e blers auters stars dal schlagher popular cun hits che stgaudan il cor da tutt'aura.

Andrea Berg è naschida l'onn 1966 a Krefeld en Germania. Ella è la chantadura cun il pli grond success en l'istorgia dals charts tudestgs. Fin oz ha ella vendì varga 15 milliuns portatuns e quasi 1'000 emnas è ella stada en ils charts dals albums en Germania.

La regina dal schlagher da la Germania po festivar quest onn ses 30avel giubileum da tribuna. Quai è bain motiv avunda da deditgar la Stailalva dad oz a la giubilara. Nus giain in zic enavos e laschain reviver inqual da ses hits ma nus tadlain era tuns dal disc da giubileum cun il titel «Ich würds wieder tun». Quel cuntegn bleras chanzuns enconuschentas, interpretadas da nov en duet cun amias ed amis dal schlagher.

La formaziun originala dad oberkrain consita or da l'accordeon, il bariton, in cuntrabass, ina ghitarra, ina clarinetta, ina trumbetta e natiralmein il chant.

La Stailalva dad oz è deditgada cumplainamain al stil da musica dad oberkrain. Il fundatur è sta nagin auter che Slavko Avsenik, grazia ad el viva quai stil da musica vinavant er suenter sia mort avant 7 onns.

Da la partida èn sper las 2 generaziuns dals Avseniks, bands da l'Austria da la Slovenia, dal Tirol dal Sid e da la Svizra.

Leonard, Francine Jordi e Beatrice Egli, quai be intgins dals stars da schlagher en Svizra.

La paletta è gronda ed uschia è la Stailalva dad oz, il 1. d'avust, deditgada cumplainamain ad interpretas ed interprets svizzers.

«Grüezi wohl Frau Stirnimaa», «Marmor, Stein und Eisen bricht», «I bin a bayrisches Cowgirl», «Despacito», «Rock Me Amadeus», «Oh läck du mier», «Butterfly» euv. – quai èn hits e semperverds, che mintgin enconuscha.

En «La Stailalva» dad oz na tadlain nus dentant betg las versiuns originalas, mabain versiuns da cover, interpretadas da furmaziuns dal schlagher popular. D'udir èn tranter auter ils Grubertalers, Die Jungen Zillertaler, Stixi & Sonja, ils Klostertalers, Stefan Roos, Oeschs die Dritten ed anc blers auters pli.

La Stailalva dad oz è emplenida cun hits da stad, melodias che stgaudan il cor da tutt'aura.

L'entschatta fa la Linda Fäh cun ses hit «Hey Sommer». Plinavant tadlain nus ils Calimeros cun «Spuren im Sand», die Schlagerpiloten cun lur hit actual «Sommer-Sonnen-Feeling», la Francine Jordi cun ses hit «Sommer», la Marie Louise Werth cun il semperverd «Destin» e blers auters stars dal schlagher cun lur hits.

S'imaginai: igl è stad e vus avais vacanzas, i fa bell'aura ...

Lura dad oz è emplenida cun melodias che fan gust sin in bel di da stad. Nus cumenzain nossa Stailalva cun il titel «Ab in den Urlaub» cun ils Klostertalers. Er da la partida èn die Jungen Zillertaler cun lur hit «Summatog» die Blechbixn cun la chanzun «Sommerliab» die Draufgägner cun lur hit «Despacito»...

Redacziun: Christa Soliva