Mintgadi è auter: In di levain nus cun il pe sanester – l'auter di essan fieu e flomma, forsa schabegià insatge penibel, forsa ha intgin cletg en l'amur u en il gieu. Ina giada uschè e l'autra giada uschia.

Er las interpretas ed ils interprets dal schlagher popular s'occupan oz da temas dal mintgadi. Cun il titel Halli, hallo, wie geht's denn so entschaiva la Stailalva dad oz. Plinavant tadlain nus titels sco Fitness, Einmal so einmal so, Die 7 isa Glückszahl, Alle kochen nur mit Wasser, Hast du Zeit euv.

Leonard, Francine Jordi, e Beatrice Egli, quai mo intgins dals stars da schlagher en Svizra.

La paletta è gronda ed uschia è la Stailalva dad oz deditgada cumplainamain ad interpretas ed interprets svizzers che han grond success er sur ils cunfins.

Musica patgifica e quieta per sa fermar in'urella. Er en il schlagher popular datti in mantun hits e semperverds tar questa tematica.

Nus avain preparà in program cun melodias finas, calmas e dultschas sco «Das Abendgebet der Berge», «Madonna del Sasso», «Mutter Thereza», «Engel» ed anc bleras bellas melodias quietas.

La Stailalva dad oz è emplenida cun melodias enconuschentas dals davos mais, ma era bain inqual single nova pudais vus tadlar questa saira.

L'entschatta fa Daniela Alfinito cun il hit Löwenmut. Plinavant tadlain nus la Maite Kelly cun sia novischma single «Was wäre, wenn», ils Calimeros cun lur single «Addio Maria» la Sonia Liebing cun il hit «Spuren der Liebe» ed anc bleras autras bellas chanzuns enconuschentas ma era bellas melodias novas.

Per oz avain nus tschernì in bel mantun chanzuns d'amur, per ils stars dal schlagher ed er per ils cumponists è l'amur adina puspè in tema fascinant.

Cun «Lebenslänglich» dad Andrea Berg cumenzain nus la Stailalva dad oz. Plinavant tadlain nus titels sco «Du Du Du», «Null auf 100», alura «Sag mir nicht I love You» ni «Wer liebe lebt» ed anc bleras autras chanzuns che fan bain al cor.

Ils 20 da mars, a las 16:33, ha la primavaira cumenzà quest onn. Igl è la stagiun che sveglia colurs e sentiments da ventira.

«La stailalva» beneventa la primavaira e quai cun bleras bellas melodias. As legrai sin il hit «So a schöner Tag» cun die Jungen Zillertaler, lura «Der Frühling ist da», sunà d'Igor und seine Oberkrainer, «Weisser Holunder» cun las soras Sigrid & Marina, «Blau, blau muss der Himmel sein» cun die Grubertaler ed era la «Putzpolka» cun la Miss Helvetia na manca betg.

En «La stailalva» doz han stars da schlaghers collavurà ensemen – ed ordlonder hai dà bain inqual hit.

Roland Kaiser e Maite Kelly dattan lentschatta, e quai cun lur grond hit «Warum hast du nicht nein gesagt». Plinavant tadlain nus a Francine Jordi ensemen cun Bernhard Brink, lura a Semino Rossi & Rosanna Rocci, DJ Ötzi e Nik P, Beatrice Egli cun Eloy de Jong ed anc blers auters duos che preschentan lur hits.

La Stailalva dad oz è emplenida cun enconuschentas chanzuns popularas e tradiziunalas.

Il bainvegni fa la band die Schürzenjäger da lAustria cun lur grond hit «Zillertaler Hochzeitsmarsch». Plinavant tadlain chanzuns tradiziunals e popularas da la Svizra, da lItalia e da la Germania.

Co fiss ina parti senza musica? Il plaschair e divertiment è dentant anc pli gronds sche mintgin po tar ina u l'autra chanzun chantar cun.

La Stailalva dad oz è emplenida cun bels schlaghers per chantar cun e quai dals onns 60 enfin oz. Pia ina buna vusch, blers plaschairs cun bellas regurdientschas e bun divertiment.

Sunar, chantar, ballar e far festa è il motto da la stailalva dad oz.

Nus avain tschernì ina bella dunsaina chanzuns per star da cumpagnia. Il bainvegni fan die Jungen Zillertaler cun «Ohne Musik geht nix». Plinavant tadlain nus «A guate Musi – A guate Zeit» in hit da Mark Pircher lu «Einmal hin, einmal her» cun Sarah-Jane, «Utschels da la not», il semperverd rumantsch cun igl Alpina Quintett euv.