Sunar, chantar, ballar e far festa è il motto da la stailalva dad oz.

Nus avain tschernì ina bella dunsaina chanzuns per star da cumpagnia. Il bainvegni fan die Jungen Zillertaler cun «Ohne Musik geht nix». Plinavant tadlain nus «A guate Musi – A guate Zeit» in hit da Mark Pircher lu «Einmal hin, einmal her» cun Sarah-Jane, «Utschels da la not», il semperverd rumantsch cun igl Alpina Quintett euv.

Las dunnas dattan en il tun

Da la partida èn Andrea Berg, Maite Kelly, Linda Fäh, Kristina Bach, Francine Jordi, Stefanie Hertel, Beatrice Egli , Helene Fischer, Claudia Jung ed anc bleras autras.

En la Stailalva dad oz pudais vus tadlar ina selecziun da medleys da hits, da schlaghers, da party e da blers auters temas. L'uschenumnà medley è ina moda d'integrar gist pliras chanzuns ensemen en in arranschament.

Ina retscha da chanzuns da die Jungen Zillertaler unì en in toc lung, alura avain nus noss emprim titel da l'emissiun dad oz numnadamain il «Juzi-läums-Medley». Plinavant tadlain nus il Rodltaler Stimmungs-Medley, il Goldies Medley il Fox Medley, il Dreiländer-Medley ed anc bleras bellas enconuschentas melodias integradas en in medley.

Nus giain bun 40 onns enavos e tadlain schlaghers dals onns 70. Igl è sco dad ir en in auter mund! Dentant, tgi avess cartì, plirs dals hits da lezzas uras audins anc oz – els èn daventads semperverds.

Per exempel: «Griechischer Wein» dad Udo Jürgens, «Schach matt» da Roland Kaiser, «Wenn du denkst du denkst dann denkst du nur du denkst » da Juliane Werding, «Swiss Lady» da Pepe Lienhard ed uschia vinavant.

Redacziun: Christa Soliva

La Stailalva dad oz è deditgada cumplainamain al bel sport d'enviern. Nus giain oz sin pista.

Il bainvegni fan ils Zellberg Buam cun «Oi oi oi – ab in die Berge». Plinavant tadlain nus Hansi Hinterseer cun «Skilied», ils Zillertalers cun «Schi Heil», la Maja Brunner cun il «Gigi vo Arosa», Vic e Sepp Eugster cun «Alles fahrt Ski», die Ladiner cun «Schilehrer-Romanze» e bleras autras chanzuns cun il tema skis.

Redacziun: Christa Soliva

Tadlar La stailalva – ed in'ura curturella è garantida!

Da la partida èn Beatrice Egli, Matthias Reim, Andrea Berg, Francine Jordi, Vincent Gross, Helene Fischer, Marc Pircher, il Nockalm Quintett, Géraldine Olivier, ed anc blers auters stars cun lur hits.

Grüezi wohl Frau Stirnimaa – Marmor, Stein und Eisen bricht – Heimweh – Heidi euv., quai èn hits e semperverds che mintgin enconuscha.

En la Stailalva dad oz tadlain nus dentant betg las versiuns originalas, mabain versiuns da cover interpretadas da furmaziuns dal schlagher popular. D'udir èn tranter auter ils Zellberg Buam, die Grubertaler, die Jungen Zillertaler, Die Granaten, Andreas Gabalier ed auters.

Redacziun: Christa Soliva

«La Stailalva» dad oz è emplenida cun ils schlaghers da lonn 2021.

Lentschatta fa il chantadur svizzer Leonard cun ses hit «Bis der Teufel sich verliebt». Plinavant tadlain nus: Helene Fischer cun «Null auf 100», Andreas Gabalier cun «LiebeLeben», Vincent Gross en duet cun Emilija Wellrock, Beatrice Egli, Francine Jordi ed anc blers auters stars cun lur hits.

En la Stailalva dad oz tadlain nus in triep melodias enconuschentas dals davos onns.

Können sie schon jodeln, uschia il titel da partenza, quai è in hit dals Pagger Buam da lonn 2011. Plinavant tadlain nus Marc Pircher cun il «Hey Diandl spürst es so wie i» lu die Draufgägner cun il hit «Cordula grün», la Miss Helvetia cun «Ängeli im Schnee» ils Kastelruther Spatzen cun «Herzschlag für Herzschlag», la Melissa Naschenweng cun in da ses emprims hits «Gänsehbautgefühl». Quai èn mo intgins dals hits e semperverds che fan questa saira curturella.

Redacziun: Christa Soliva

Per quest'ura da musica da schlagher avais vus mo anc dad envidar las chandailas e lura pudais vus giudair.

Nus avain preparà in vair bouquet da melodias da Nadal sunadas e chantadas davent da Roland Kaiser fin la Francine Jordi. As laschai carmalar da questas melodias en ina tempra ruassaivla, dultscha e charina era per ils proxims dis.

Redacziun: Christa Soliva