Nus giain bun 30 onns enavos e tadlain schlaghers dals onns 80. Igl è sco dad ir en in auter mund! Dentant, tgi avess cartì, plirs dals hits da lezzas uras audins anc oz – els èn daventads semperverds.

Per exempel: «Wahnsinn» da Wolfgang Petry, «Joana» da Roland Kaiser, «Du bist alles (Maria Maria) » dad Andreas Martin, «Johnny Blue» da la Lena Valaitis ed uschia vinavant.

La stailalva dad oz è pronta e porscha a Vus las melodias las pli enconuschentas dals davos onns.

Forsa savais vus schizunt chantar, tschivlar u perfin sautar tar intginas da las chanzuns. L'entschatta fa Slavko Avsenik e ses Original Oberkrainers cun in dals gronds hits «Trompetenecho». Plinavant tadlain nus «Heidi», «Tränen passen nicht zu dir», «Herzilein», il «Zillertaler Hochzeitsmarsch», la Francine Jordi cun ses grond hit «Das Feuer der Sehnsucht» ma er il hit «Sierra Madre» na dastga betg mancar.

En la Stailalva dad oz han stars da schlagher collavurà in cun l'auter e londeror hai dà bain inqual hit. 

Roland Kaiser e Maite Kelly dattan l'entschatta e quai cun lur grond hit «Warum hast du nicht nein gesagt» Plinavant tadlain nus la Francine Jordi ensemen cun Ross Antony lu Semino Rossi & Rosanna Rocci, Leonard e Wolfgang Frank, la Beatrice Egli cun Eloy de Jong ed anc blers auters duos che preschentan lur hits.

En la stailalva dad oz preschentain nus 5 discs ed ina single nova.

Die Imbacher, Sunnseitn, VolksBeaT, ZPur, e die Ausholter han edi novs albums. Plinavant tadlain la novischma single dad Andreas Gabalier, igl album «Ein neuer Anfang» cumpara lura venderdis ils 17 da zercladur.

Rock da las alps, in stil da musica cun elements da rock ed instruments tradiziunals da la musica populara ed ils texts magari chantads en dialect, quai è schlagher popular cun power.

En la stailalva dad oz tadlain nus in mantun da quests hits. Il bainvegni fan ils Seerugge Feger cun «Bock auf Alpenrock» er da la partida èn Die Dorfrocker cun in da lur hits «Daumen hoch». Plinavant tadlain nus «Iawaramoi» in grond hit da Hubert von Goisern, «Aues geili Sieche» cun la band da Lucerna ChueLee euv.

Redacziun: Christa Soliva

Nus giain bun 20 onns enavos e tadlain schlaghers dals onns 90. Igl è sco dad ir en in auter mund! Dentant, tgi avess cartì, plirs dals hits da lezzas uras aud'ins anc oz – els èn daventads semperverds.

Per exempel: «Augen zu und durch» da Wolfgang Petry, «Und wer küsst mich» da Roland Kaiser, «Die Gefühle haben Schweigepflicht» dad Andrea Berg, «Verdammt, ich lieb dich» da Matthias Reim ed uschia vinavant.

Trais giubileums da tribuna stattan oz en il center da la Stailalva.

La band Die Grubertaler da Volderberg en il Tirol po festivar quest onn il 20avel giubileum da tribuna, Marc Pircher da Ried en il Zillertal po far festa per il 30avel, ed ils Zellberg Buam pon schizunt far festa per il 40avel giubileum da tribuna.

Quai è bain motiv avunda da deditgar la Stailalva dad oz als giubilars. Nus main in zic enavos e laschain reviver inqual semperverd, ma nus tadlain era tuns da lur discs da giubileum.

La Stailalva dad oz è emplenida cun melodias enconuschentas dals davos mais, ma era bain inqual single nova pudais vus tadlar questa saira.

L'entschatta fan ils Nockis cun il hit «Lass mein Herz in deine Welt». Plinavant tadlain nus Julian Reim cun sia novischma single «Ich hab dich Lieb», Howard Carpendale ensemen cun Stereoact cun ina nova versiun dal grond hit «Hello Again», Andrea Berg cun sia single «Ich würds wieder tun» ed anc bleras autras bellas chanzuns enconuschentas ma era bellas melodias novas.

Redacziun: Christa Soliva

La stailalva dad oz cun in omagi a la natira.

Nus cumenzain cun il titel «Natur pur» ed ils Zellberg Buam. Er da la partida èn ils Klostertalers, Vreni e Rudi, ils Grubertalers, ils Mölltalers, ils Original Alpenoberkrainer cun «Auf zum Anglerfest» ed anc blers auters interprets cun chanzuns per in di perfetg or en la natira.

Nus giain bun 30 onns enavos e tadlain schlaghers dals onns 80. Igl è sco dad ir en in auter mund! Dentant, tgi avess cartì, plirs dals hits da lezzas uras audins anc oz – els èn daventads semperverds.

Per exempel: «Wahnsinn» da Wolfgang Petry, «Lieb mich ein letztes Mal» da Roland Kaiser, «Ohne dich (schlaf ich heute Nacht nicht ein) » da Münchener Freiheit, «Dann heirat doch dein Büro» da la Katja Ebstein ed uschia vinavant.

Redacziun: Christa Soliva