大家好，今日係第二日試吓做 Live、Podcast ，希望大家如果覺得呢個實驗值得繼續做落去，幫忙轉發出去，又或者如果有乜嘢我可以做好啲，就更加要留言畀我知。

01，唔好話我只係睇外國媒體；其實環時、多維等，我一樣會睇。好似今日所揀嘅呢一篇，我認為都可以畀我哋睇到，神奇國度係點樣睇國際關係。其實 Biden 嘅印太經濟框架，關你神奇國度乜嘢事呢？點解要咁緊張？當然，大家要明白，環時呢類媒體，係要來畀神奇國度裡面，以及海外，有少少知識但又唔算好頂尖嘅一班人去睇。從呢個出發點去睇，大概亦都可以了解到，北京好唔鍾意見到美國於印亞太一帶嘅影響力。反之，中國亦嘗試將自己嘅影響力，延伸到中南美洲。 事實上，係，呢啲經濟外交，好多時唔係徒勞無功，或者只係少數人得益。統治，就無時無刻都搵啲理由去證明自己嘅存在同一舉一動。

02，另宗新聞都值得講吓，就係日本嘅國會今個月一號通過議案，要求政府跟進中國人權狀況。一直以來，日本對華嘅態度，都係非常小心謹慎。畢竟，自從第二次世界大戰以來，中日兩國都有非常微妙嘅關係。藍朋友，就好自然會諗咗去啲乜嘢國仇家恨之類，但對日本來講，中國係東亞地緣政治嘅最大力場，中國點變，對日本都可以有極大影響。所以，密切關注中國，係好自然嘅反應；而事實上日本過去幾十年嘅對華政策，堪稱外交界嘅典範。所以，今次日本國會呢個轉變，都反映咗局勢係變得幾快。其實本來嘅草案文本係更加辣。但經過親華嘅公明黨修正之後，已經相對溫和。

03，冼國林去外國記者協會做午餐會嘉賓；但呢樣又唔答，個樣又唔答，答嘅，又答到九唔搭八。呢班外國記者（其實當中有唔少都係香港人），就話呢條友真係令人大開眼界。不過，更加值得問嘅問題係，冼國林現象，究竟反映緊香港面對緊嘅乜嘢轉變。

04，神奇國度冬奧開幕儀式，原來有一幕係搵小朋友舉牌扮白鴿，其中一隻，右下角，走失咗，然後就由其他小朋友帶返屋企。好，真係智商再低都知道當中含意。偏偏呢個開幕儀式，國民黨請主席洪秀柱都有出席，仲話天下分久必合。

05，另一則關於冬奧開幕式嘅新聞，就係有人發覺，微博、抖音上面有條片講維吾爾族選手依拉木江一家人，好溫馨咁睇個女代表國家、代表自己民族，去燃點聖火。嘩，好感人，完全證明維吾爾族人生活好好。不過，有兩個小問題。一，鏡頭攞得好專業，演出亦都好真實。二，點解入面一個男人都無嘅？

06，到國際財經新聞。FB 母公司 Meta 上星期業績後股價大插水，業績報告入面又話，如果歐盟堅持要 FB 將數據庫留響歐洲，好可能歐洲人會用唔到 FB 同 IG 。但我認為呢個並非一個有效嘅威脅。另一個問題係，你睇國產嘅 TikTok ，點解無咁嘅問題？唔通因為佢哋真係咁合規？

07，科網公司嘅合規要求，歐盟都唔算最嚴，至少對比對於某啲極權國家，例如神奇國度以及佢嘅俄國老大哥。當然，最極端，就係全禁；但最低限度，都要用返當地嘅 Data Center。如果對 Server 嘅所在地都要管，我覺得都係既得利益嘅原因居多。另外，其實呢啲國家嘅政府，亦對於所謂嘅網絡經濟同社會，唔係真係咁熱衷。

08，最後 One More Thing ；之前都有講過，所謂嘅元宇宙最大問題，就係啲人無腳，又唔可以行來行去。ArsTechnica 報道，Meta 嘅 Metaverse 都有 social distancing ，理由係唔畀啲人「侵犯」其他人喎。

其實，從法理角度，究竟可以點樣理解呢啲現實以外嘅姦淫擄掠偷呃拐騙？有本新書叫 Reality+，當中有提及到呢啲現實世界以外嘅倫理道德問題。今個月嘅讀書會，我睇吓可唔可以講埋呢個題目；有興趣嘅朋友，可以先加入呢個 Telegram ，詳細安排未來兩、三日再同大家分享。

01：美國駐聯合國大使 Thomas-Greenfied 指 2022 北京冬季奧運會開幕儀式，中國用維吾爾族代表轉移視線，更指已經唔再係 business-as-usual ，美國政府亦會盡力保護運動員。呢次嘅措詞相對強硬。問題係，中美雙方無論係官方抑或民間，似乎對呢類外交言辭無乜感覺。其實，今次奧運嘅主要贊助商，一如以往，好多都係美資企業；例如可口可樂，不但贊助奧運，之前亦有就新疆制裁法案遊說美國國會，指企業生產供應鏈好難追查、避免用到由新疆出產嘅源材料。另一個國際奧委會嘅贊助商 Airbnb，之前又被揭發新疆嘅一啲 listing ，係由當地軍政企業所擁有。

02：英國衛報話，香港失去國際商業中心地位，主要原因係清零政治，其次就係中美關係。但係從近來班外交戰狼嘅言行可以見到，神奇國度標榜清零政策係中國模式，仲要話係將人命放於首位嘅價值觀，甚至講到係馬克斯唯物主義，科學觀念。當然，神奇國度要搬龍門嘅，永遠都可以面不紅氣不喘，但以目前嘅情況來睇，應該未有咁快會有轉機。好似呢篇文所講：「未見到隧道盡頭嘅光。」

03：其實早幾個星期就聽到有朋友講谷愛凌；講真，我無跟開體育，真係唔知滑雪世界冠軍有幾巴閉。不過，呢篇 The Economist 嘅報道就講到，神奇國度為咗要攞金牌，今屆招攬咗好多外國出世嘅中國人，歸化做中國隊選手，谷愛凌，一個人有機會攞多過一個牌，又係時裝 model，又係 Stanford 學生，就梗係好快捧到上半天。但係，之前谷愛凌又為 BLM 出聲，又話反對種族歧視，但去到神奇國度，即刻粒聲唔出。佢嘅經理人仲話，如果要接受訪問，條件係要睇過篇文先畀出街。結果，當然係畀人笑。

04：其實除咗谷愛凌之外，例如花式滑冰嘅朱易，都係美國出世，今屆冬奧就歸化中國。點知佢出賽嘅時候，失手跌倒，你都可以估到神奇國度嘅網民可以有幾咁理性，幾有同理心。

05：另外，有一位中國出世但代表美國嘅滑雪選手 Kai Owens ，17 年前出生於安徽，之後被一對美國夫婦收養。嗯，我無其他補充。

06：最後一個同神奇國度以及冬奧有關嘅新聞，就係開幕儀式裡面，有南韓人見到神奇國度有演出者著上韓服，南韓人覺得係 cultural appropriate 。其實，類似嘅事已經唔係第一次。畢竟，一講到身份認同，越係自覺文化源遠流長，就越容易玻璃心。好似美國，到上世紀都仲係覺得自己係民族大融爐，所以就算畀人笑粗鄙低俗，咪由得人哋講囉，最緊要係可以賣多兩罐汽水，多幾套開心樂園餐。

廿一世紀究竟係文化衝突，定係唔同文化體系，最終會匯聚成一個新嘅意識形態？講到呢度，令我醒起 1990 年代 Samuel Huntington 寫嘅 The Clash of Civilizations；相對嘅觀點，就係 Fukuyama 嘅 The End of History and the Last Man。今個月嘅讀書會，我會講吓呢兩本書，呢兩個作者，希望大家會有興趣。

TL；DR 讀書會 Telegram Channel

話說某個平行世界，有個 #神奇國度 ；神奇國度的人民，一直都被灌輸一個想法：「外面的世界很危險；若果不是千年的圍牆保護，那些紅鬚綠眼的野蠻人，會將我們活生生的吃掉。」

過了好多，好多年，神奇國度裡面有班人想到了：「假如我們學紅鬚綠眼，我們就不用怕他們。」但在錯誤的動機，拙劣的方法之下，外面世界美好的事物沒有學到，反而令神奇國度更加迷失。

自強失敗，神奇國度又經歷了許多年屈辱。

更正確一點講，當時世界大亂，征戰連年的，又豈止神奇國度？最終，世界走向和平；神奇國度，也終於由一個新的政權統治；這個政權相信：「要強大，要有謀略，就不會被人欺負。」

新神奇國度舉國上下醉心謀略；無錯再沒有人「欺負」，但心底裡總是覺得人外面的人看不起自己；於是神奇國度的領導人又總結經驗：「一定是我們窮！」

又過了好多年，新神奇國度又搖身一變，成為世界最豪邁的大戶；彷彿錢可以解決的問題，都不再是問題。不過，神奇的國民，仍然略有所失：「為甚麼我們已經那麼強大，又那麼富有，但是人家還是在欺負我們？還是看不起我們？」

新神奇國度，雖然是打著群眾的旗幟，但在牆內的世界，人與人之間仍然未有平等相處的風俗。所以，無論在牆內牆外，遇到意見不合時，就只有召集最多的群眾，往往是初則口角，繼而動武。

如果沒有信心打架，也會用最大的音量，最粗鄙的言詞，不斷重複同幾句髒話，以虛張聲勢。

其實，外面世界的人，已經沒有欺負神奇國度的人，更沒沒有看不起這一群甚麼都買得起的大戶。但那個遙遠的「紅鬚綠眼野蠻人」的故事，仍然在神奇國度的村落流傳⋯⋯

訂閱我的 Youtube Channel

https://www.youtube.com/c/leesimon

訂閱我的網誌  unsubject

https://www.unsubject.me

支持我的 Patreon

https://www.patreon.com/leesimon

蘇格蘭嘅 COP26，各國元首都畀面出席；唯獨係近來又話要 2060 年達到碳中和嘅神奇國度，Big Brother 出席唔到仲要畀拜登話佢無誠意。

陰謀論者，話 Big Brother 怕一出國就會被「火燒後欄」；但如果江湖真係咁兇險，你認為佢自己坐鎮京城又會有乜嘢分別呢？

又有人信官方嘅解釋，話因為疫情。呢個講法我又唔敢話無道理，畢竟神奇國度嘅人有一套特殊嘅思維摸式。

不過，從天朝歷史，以及一直以來嘅外交策略，甚至最簡單嘅搏弈論，其實都解釋得到點解習近平兩年無外訪。

今集嘅延伸閱讀係一篇半年前寫嘅文章：中式談判技巧

現時的中國模式會否成功？可以如何成功？未來二百年共產黨管治的中國會否成為世界上的政經第一？

首先，要定義何謂中國模式？「有別於西方的自由民主⋯⋯」「甚麼是馬？總之就不是驢⋯⋯」世間有太多非驢非馬的生物；其實這種以否定來下定義的方向，說了等於沒有說。有別於西方的自由民主，可以是食人族的部落傳統，也可以是超越人類智慧的外星文明。

基本解釋了何謂中國模式，下一步就是入正題，探討這種構想有沒有成功的可能，以及在甚麼條件下才有機會成功。其實對北京的統治者，中國從來都是以中國模式來統治，反而是外界一直想改變中國。其實，有理由相信在他們心目中，中國模式永遠都是最切合中國國情的一套；其他任何制度，最終都會導致災難性的結果。

由民國到共產新中國，一直到 1977 年中共十一屆一中全會，鄧小平復出，中共才卑微地提出要在廿世紀結束前，基本完成由四個現代化；但要記得，由洋務運動到共產新中國的四個現代化，前後其實蹉跎了一世紀時間。

「人家用百多年現代代，咱們只要二、三十年就做到。」中共對於「後發優勢」這個發展經濟學的命題，有種近乎宗教的迷信；毫無疑問，中國模式有其優越性。沒錯，就讓我接受中國模式優越性在於可以透過由上而下的指令，動員極多的人力物力。

但任何一種制度，優點背後都有代價，亦必然有缺陷。

我們每天的生活中，其實都遇到各種定義不明確清晰的問題，大多數時候，我們甚至連這些問題的存在也不察覺。在唯領導馬首是瞻的神奇國度，用腦思考的人是少數，其他人，都是只是手法熟練的技工，最終甚至在領導位置的人，也缺乏獨立思想，只不過比別人更會抄襲。當遇到沒有先例可援的挑戰時，中國模式就派不上用場。換句話說，當遇到的問題本身其實不會有很清晰明確的定義，就很難以集權指令模式去找答案。

神奇國度最大的挑戰，也是完全沒有先例可援的問題，就是如何將一個古老的文化現代化。結果，兜兜轉轉個多世紀之後，還是回到船堅炮利⋯⋯

https://www.unsubject.me/can-china-model-prevail/

講八國聯軍，就必須要講義和拳；講義和拳，就一定要了解十九世紀晚清社會有啲乜嘢深層次矛盾。用當時嘅人物視角去睇問題。先至可以有更完整嘅了解。節目裡面提到嘅 The Beijing Legations 以及 「八國聯軍乃正義之師」 全部收錄於：

https://www.unsubject.me/1900-in-the-eyes-of-hart-and-liang/

要了解電荒，首先要明白電力市場嘅特性。明白到電力市場嘅特性，就明白到點解電荒除咗係供應嘅問題，亦都同之前打壓 bitcoin 礦場影響到電廠利潤導致嘅不可預見後果。

關於呢個題目嘅延伸閱讀 電力市場 101

北京真係因為樓價同房屋問題而要對地產黨出手？

其實，廿年前就已經埋下今日整治地產黨嘅伏筆。

我哋一直有兩個美麗嘅誤會，第一個就係一國兩制，，第二就係港人治港。

一國兩制，我哋以香港本位去睇，就梗係當年北京提出呢個安排，係要來畀我哋呢班人可以安心接受「回歸祖國」呢個事實。對唔住，呢個睇法錯晒；其實，一國兩制係北京要來保護牆國裡面嘅世界不變，但又可以享受牆外世界帶來嘅物資。

至於港人治港，我哋以為北京要依賴香港嘅代理人去管治呢個城市。對唔住，香港人，無論係專業人士，金融圈，地產黨，其實都只係統治嘅工具，而非「共治」嘅伙伴；佢哋有支持北京嘅義務，換來嘅係經濟上嘅特權，亦僅此而已，別無其他。如果以為自己有權話事，就真係諗多咗。

過去廿年，從幾件事可以見到地產黨同共產黨關係嘅轉變。一就係 2003 年 23 集立法田北俊唔跟隊形；二係唐英年大熱倒灶，仲差啲搞到家破人亡；三係曾俊華挾民意令梁振英斷纜，北京堅持由林鄭月娥接任。從北京嘅角度去睇呢三件事，就唔難明白今時今日整治地產黨嘅來龍去脈。

【延伸閱讀】決戰地產黨 

分析恆大事件，首先要問嘅係：「究竟係制度、系統問題，抑或係個別事件？」

第二個問題就係：「如果係制度、系統問題，最終會唔會影響到個制度本身？仲有冇啲乜嘢其他可以預見嘅影響？」

曾幾何時，大陸嘅房地產市場流傳一個講法：「地大勿搏。」意思係中國地多，唔好預期樓價會急升。但自從 2008 年北京政府推出四萬億刺激措施；大陸樓市泡沫不斷膨脹，升得相對明顯嘅年份包括 2009、2012、2014-16 。雖然 2016 年嘅中央經濟工作會議，已經提出「房往不炒」呢個講法；而之後每一年都有重複同樣嘅論點。不過，房地產始終佔中國整體 GDP 極高比例；對地方政府，房地產亦係最主要利益來源。打擊房地產市場，一來要透過地方政府嘅行政措施，但二來亦會影響到地方政府嘅利益結構。

恆大事件話畀我哋知，神奇國度所面對嘅經濟問題，世界其他地方其實都係一樣面對。唯一分別就係，真係出現大到不能倒嘅時候，唔同嘅制度同系統，最終會點樣去化解衝擊。

更多詳細分析，歡迎訂閱 unsubject.me 

Niall Ferguson 在 2013 出版的 The Great Degeneration 從（一）管治（二）市場（三）法制（四）公民社會等範疇，剖析現代文明如何逐步走向當前危機。雖然並非針對香港人而寫，但從一個香港人嘅視點去睇，卻有另一層次的切身體會。