'n Storie oor 'n man, 'n roomys en 'n kelner, gryp die land se verbeelding aan. Ray Kitching, 'n inwoner van die Eric Miles Cheshire-tehuis vir gestremdes, wou 'n roomys gaan eet by die Wimpy in Canal Walk in Kaapstad. Maar iets wat vir my en jou dalk na 'n allerdaagse ding klink om te doen, is 'n uitdaging vir Ray, wat serebraal gestremd is. Nadat Ray aangedui het wat hy wou hê, het 'n vriendelike kelner genaamd Vincent, spontaan gaan sit en vir Ray sy roomys gevoer.