ភ្ញៀវ​ប្រចាំ​ថ្ងៃ​របស់​វិទ្យុ​យើង​នារាត្រី​នេះ​គឺ លោក ពុយ គា អ្នកសារព័ត៌​មាន​ជើង​ចាស់​របស់​កម្ពុជា និង​ជា​អ្នក​ចង​ក្រងសៀវភៅ ក្រោមចំណងជើងថា «អាថ៌​កំបាំង​ក្រៅឆាក ក្រោយ​វាំង​នន​របស់​មេដឹកនាំ​អាស៊ាន​និង​ពិភពលោក»។ លោក ពុយ គា បញ្ជាក់ថា សៀវភៅ​មួយ​ក្បាល​នេះ មាន​រំលេច​អំពី​រឿងរ៉ាវ​នយោបាយ ទំនាក់​ទំនង​កាទូត ជម្លោះ​អធិបតេយ្យ​ភាពដែនដី អាកប្បកិរិយា ទម្លាប់ប្រចាំថ្ងៃ ជីវិតស្នេហា និងរឿងអាស្រូវ របស់​មេដឹកនាំ​ធំៗ​ក្នុង​តំបន់​អាស៊ាន និង​ពិភព​លោក។ បើតាម​លោក ពុយ គា សៀវភៅ​មួយ​ក្បាល​នេះ មាន​លក្ខណៈ​ប្លែក​ខុស​ពី​សៀវ​ភៅ​ដទៃ ដែល​លោក​បាន​ជជីក​រឿង​ក្រៅឆាក​នៃ​កិច្ច​ប្រជុំ​ធំៗ​១០​ឆ្នាំ​ចុង​ក្រោយ មក​ចង​ក្រង​ជូន​សាធារណ​ជន។