សាលា​ក្រុង​ភ្នំពេញ ​ទើប​តែ​បិទ​បញ្ចប់​សន្និបាត​ការងារ​ប្រចាំ​ឆ្នាំ២០២២​របស់​ខ្លួន ​នៅ​ថ្ងៃ​ទី១០​មីនា​កន្លង​ទៅ​នេះ។​ លោក​ ឃួង ស្រេង ​អភិបាល​រាជធានី​ភ្នំពេញ ​បាន​អះអាង​ពី​ភាព​ជោគជ័យ​របស់​សាលាក្រុង​ តាម​រយៈ​ការ​ធានា​តាម​សន្តិសុខ​ខ្ពស់​ជូន​ដល់​បណ្តា​ប្រមុខ​ដឹក​នាំ​មហា​អំណាច​ ដែល​មក​ចូល​រួម​កិច្ច​ប្រជុំ​កំពូល​អាស៊ាន ​កាល​ពី​ខែ​វិច្ឆិកា​កន្លង​ទៅ។ ​ដោយ​ឡែក​សម្រាប់​ឆ្នាំ​២០២៣​នេះ​វិញ​ ទី​ក្រុង​ភ្នំពេញ​ក៏​នឹង​ត្រូវ​ទទួល​ខុស​ត្រូវ​រៀប​ចំ​ព្រឹត្តការណ៍​កីឡា​ក្នុង​តំបន់​មួយ​ទៀត​ នៅ​ខែ​ឧសភា​ គឺ​ស៊ីហ្គេម។​ តាម​លោក ​ឃួង ស្រេង ​ការ​ពង្រឹង​និង​ការពារ​សន្តិសុខ​ សណ្តាប់​ធ្នាប់​ ក្នុង​ព្រឹត្តិការណ៍​ស៊ីហ្គេម​ នឹង​អាច​មាន​លំបាក​ជាង​ដែល​កម្ពុជា​ទទួល​ខុស​ត្រូវ​កិច្ច​ប្រជុំ​កំពូល​អាស៊ាន។​