បញ្ហា​កក​ស្ទះ​ចរាចរណ៍​នៅ​ចំណុច​ស្ពាន​ច្បារអំពៅ ​ត្រូវ​បាន​អាជ្ញាធរ​​រាជធានី​ភ្នំពេញ​អះអាង​ថា ​បាន​និង​កំពុង​ដោះ​ស្រាយ ​តាម​រយៈ​គម្រោង​បើក​ស្ពាន​ថ្មី​ពី​ចំណុច​ព្រែក​ប្រា ​ទៅ​កាន់​ផ្លូវ​៥០​ម៉ែត្រ​ បន្ត​ចូល​ផ្លូវ​៦០​ម៉ែត្រ​។ ​បើតាម​លោក ​ឃួង ស្រេង ​អភិបាល​រាជធានី​ភ្នំពេញ ​អាជ្ញាធរ​បាន​ហាម​ឃាត់​រថយន្ត​ធំៗ​មិន​ឲ្យ​ឆ្លង​កាត់​ស្ពាន​ព្រះមុនីវង្ស​ទេ​ ខណៈ​មាន​ការ​បារម្ភ​ពី​សុវត្ថិភាព​ នៅ​ពេល​មាន​ការ​កក​ស្ទះខ្លាំង​។​