ចាប់​ពី​ថ្ងៃ​ទី​១​មករា​២០២៣​ ត​ទៅ ​កម្មវិ​ធី​ដក​ពិន្ទុ​បណ្ណ​បើកបរ​ និង​ការ​បង់​ប្រាក់​ពិន័យ​អន្តរការណ៍​ ចំពោះ​អំពើ​ល្មើស​ច្បាប់​ស្ដីពី​ចរាចរណ៍​ផ្លូវ​គោក ​នឹង​ត្រូវ​អនុវត្ត​។​ នេះ​ជា​យន្ត​ការ​ថ្មី​មួយ​ ដើម្បី​ដាក់​ទោស​ទណ្ឌ ​និង​ពិន័យ​ទៅ​លើ​អ្នក​បើក​បរ​ល្មើស​ច្បាប់​បន្ថែម​ពី​លើ​ការ​អនុវត្ត​កន្លងមក​។​ អ្នក​ជំនាញ​ខាង​ចរាចរណ៍​គាំទ្រ​ការ​អនុវត្ត​នេះ​ តែ​ចង់​ឃើញ​ការ​អនុវត្ត​របស់​សមត្ថកិច្ច​មាន​តម្លា​ភាព​។​ ជាមួយគ្នា​នោះ ​ច្បាប់​ចរាចរណ៍​ផ្លូវ​គោក​ថ្មី​ដែល​កំពុង​ពិភាក្សាពី​ពាគី​ពាក់​ព័ន្ធ​ក៏​មាន​តម្រូវ​ឲ្យ​អ្នក​បើក​បរ​ត្រូវ​ធ្វើ​តេស្ត​រក​សារធាតុ​ញៀន​(អ្នកប្រើគ្រឿងញៀន)ផងដែរ​។​ តើ​យន្ត​ការ​ទាំង​នេះ​ចាំ​បាច់​កម្រិត​ណា​ក្នុង​ការ​អនុវត្ត?​