ការ​ដក​ពិន្ទុ​ពី​ប័ណ្ណ​បើកបរ​ចំពោះ​អ្នកល្មើស​ច្បាប់​ចរាចរណ៍ បាន​ចាប់​អនុវត្ត​សាក​ល្បង​ពី​ខែ​កញ្ញា​នេះតទៅ ហើយ​ការ​អនុវត្តន៍​ពេញលេញ​នឹង​ចាប់​ពី​ដើម​ឆ្នាំ​ក្រោយ។ ការដក​ពិន្ទុ​នេះ​គឺ​ធ្វើ​ឡើង​ចាប់​ពី​១​ពិន្ទុរហូត​ដល់​៦ពិន្ទុ​ទៅ​តាម​កម្រិត​នៃ​បទ​ល្មើស​តែ​មិន​ឲ្យ​លើស​ពី​៨ពិន្ទុ​ទេ ខណៈ​ពិន្ទុ​សរុប​មាន​តែ​១២។ លោក ហ៊ាង សុទ្ធាយុត្តិ អ្នកនាំពាក្យ​ក្រសួង​សាធារណការ និង​ដឹក​ជញ្ជូន បាន​ថ្លែង​ថា យន្តការ​នេះ គឺប្រើ​ប្រព័​ន្ធ​បច្ចេក​វិទ្យា​ទំនើប ដែល​មិន​រំខាន​ដល់​ពលរដ្ឋ ប៉ុន្តែ​បង្ហាញ​នូវ​តម្លាភាព​សង្គម។