សិទ្ធិ​ជា​មូល​ដ្ឋាន និង​យុត្តិ​ធម៌​សង្គម, សិទ្ធិ​បរិស្ថាន និង​ការ​ការ​ពារ​ធន​ធាន​ធម្ម​ជាតិ, អក្ខរកម្ម​ឌីជីថល និង​សេរីភាព​បញ្ចេញ​មតិ និង ទស្សន​ទានយុវជន​ចំពោះ​អំពើ​ពុក​រលួយ ​ទាំង​នេះ ​គឺ​ជាប្រធាន​បទ​ដែល​ត្រូវ​បាន​លើក​ឡើង​នៅ​ក្នុង​វេទិ​កា យុវជន​កម្ពុជា​លើក​ទី​២ ​ដែល​រៀប​ចំកាល​ពីថ្ងៃ​ទី​១១សីហា​ ឆ្នាំ​២០២៤​។​ ក្នុង​បទ​សម្ភាសន៍​ជាមួយ​វិទ្យុបារាំង​អន្តរ​ជាតិ​ RFI​ លោក​ ហេង ​គឹម​ហុង ប្រធាន​ប្រតិបត្តិ​សមាគម​បណ្តាញ​យុវជន​កម្ពុជា​ លើក​ឡើង​ថា ​គេ​គួរ​លើក​ទឹក​ចិត្ត​ឲ្យ​យុវ​ជន​ហ៊ាន​និយាយ​ការ​ពិត​ដើម្បី​អាច​កសាង​ធន​ធាន​មនុស្សមួយ​រឹងមាំទៅ​ថ្ងៃ​អនាគត​។