ភ្ញៀវប្រចាំថ្ងៃ​របស់វិទ្យុបារាំង​អន្តរជាតិ​ Rfi នារាត្រី​នេះគឺ​ លោក ហេង រតនា ​នាយកមជ្ឈមណ្ឌល​សកម្មភាព​កំចាត់មីន​កម្ពុជា​ហៅកាត់ថា ​ស៊ីម៉ាក់ CMAC។​ លោក ហេង រតនា​ បាន​បង្ហាញ​សុទិដ្ឋិនិយម​ថាកម្ពុជា​នឹង​អាចសម្រេច​បាននូវ​ផែនការ​យុទ្ធសាស្ត្រ​កំចាត់មីន​ដែល​នៅសេសសល់​ចោលឱ្យ​អស់ពីទឹក​ដីកម្ពុជា​នៅឆ្នាំ​២០២៥​ខាងមុខនេះ។ ​បើតាម​លោក ហេង​ រតនា​ វិបត្តិកូវីដ១៩​ក្នុងរយៈពេល​ប្រមាណ​២ឆ្នាំ​មកនេះ​ មិនបាន​បង្អាក់​ប្រតិបត្តិការ​របស់​ CMAC ​ក្នុងកិច្ច​ការកាត់​បន្ថយ​គ្រោះថ្នាក់​ដោយគ្រាប់មីន​នៅកម្ពុជា​ទេ ​ដ្បិតថា​មាន​ភ្នាក់ងារ​ជំនួយ​បរទេស​ខ្លះ​ប្រុងនឹងកាត់​ចោលជំនួយ​នោះ តែ​ត្រូវបាន​កម្ពុជា​រក្សា​បាន​នូវការ​ជំនួយ​នោះមកវិញ។​