រដ្ឋាភិបាលនឹងត្រៀមអនុវត្តជំនួយ «កញ្ចប់គ្រួសារ» សម្រាប់ជួយដល់ប្រជាពលរដ្ឋនៅក្នុងឆ្នាំ២០២៣នេះ។ នេះបើតាមលោក ឈួរ សុបញ្ញា រដ្ឋលេខាធិការ និងជាប្រតិភូរដ្ឋាភិបាលទទួលបន្ទុកជាអគ្គនាយកនៃមូលនិធិជាតិជំនួយសង្គម។ លោក ឈួរ សុបញ្ញា ពន្យល់ថា ជំនួយ «កញ្ចប់គ្រួសារ» គឺជាជំនួយដើម្បីទ្រទ្រង់សេដ្ឋកិច្ចប្រជាពលរដ្ឋ ក្រោយពេលដែលវិបត្តិកូវីដ១៩បានធូរស្បើយ។ តាមគម្រោង ជំនួយនេះនឹងអាចអនុវត្តនៅក្រោយការបោះឆ្នោតថ្នាក់ជាតិឆ្នាំ២០២៣។