July 30, 2024

លោកឈុំ សុជាតិ៖សពយោធិនទាំង២នាក់នឹងបញ្ជូនមកភ្នំពេញ ចំណែកការស៊ើបអង្កេតកំពុងបន្តធ្វើ

8 minutes

ឧទ្ធម្ភាគចក្រយោធាដែលបានបាត់ខ្លួនកាលពីថ្ងៃទី១២ ខែកក្កដា ឆ្នាំ២០២៤ ត្រូវបានកងកម្លាំងយោធារកឃើញធ្លាក់នៅចំណុចភ្នំយ៉ាវយ៉ៃក្នុងខេត្តពោធិ៍សាត់នៅថ្ងៃទី២៩ ខែកក្កដា។ អាកាសយានិកទាំង ពីររូបដែលបានធ្វើការហ្វឹកហ្វឺនជាមួយឧទ្ធម្ភាគចក្រត្រូវបានគេប្រទះឃើញបាត់បង់ជីវិតដោយម្នាក់នៅលើកាប៊ីនបើកបរ និងម្នាក់ទៀតនៅចម្ងាយជាង២០០ម៉ែត្រពីឧទ្ធម្ភាគចក្រធ្លាក់។ នៅក្នុងកិច្ចសម្ភាសជាមួយវិទ្យុបារាំងអន្តរជាតិ RFI នាថ្ងៃទី៣០ ខែកក្កដា ឆ្នាំ២០២៤នេះ នាយឧត្តមសេនីយ៍ ឈុំ សុជាតិ អ្នកនាំពាក្យក្រសួងការពារជាតិបានដាក់ការសន្និដ្ឋានថា កត្តាអាកាសធាតុ និងភូមិសាស្ត្រជាហេតុផលចម្បងនៃគ្រោះថ្នាក់ធ្លាក់ឧទ្ធម្ភាគចក្រ និងថាអ្នកជំនាញកំពុងបន្តស្វែងរកមូលហេតុជាក់លាក់បន្ថែមទៀតតាមរយៈប្រអប់ខ្មៅ។ តាមលោក ឈុំ សុជាតិ សពយុទ្ធជនទាំង២នាក់នឹងបញ្ចូនមកភ្នំពេញដើម្បីធ្វើបុណ្យតាមប្រពៃណី៕

...more