លោក កែវ រតនៈ រដ្ឋ​មន្ត្រី​ក្រសួង​រ៉ែ និង​ថាមពល បាន​អះអាង​ថា នៅ​រដូវ​ក្តៅ​ឆ្នាំ ២០២៥ នេះ កម្ពុជា​នឹង​មិន​ខ្វះ​អគ្គិសនី​ប្រើប្រាស់​ទៀត​ទេ និង​ថា​ក្រុម​ហ៊ុន ឬ​សហគ្រាស ឯក​ជន​ក៏មិន​ចាំបាច់​ទិញ​ម៉ាស៊ីន​ភ្លើង​មក​ត្រៀម​ទុក​ដែរ​។ ក្នុង​បទ​សម្ភាស​ជា​មួយ​វិទ្យុ​បារាំង​អន្តរ​ជាតិ​ RFI​ លោក កែវ រតនៈ បញ្ជាក់​ថា កម្ពុជា​មាន​សមត្ថ​ភាព​ផលិត​អគ្គិសនី​បាន​ជាង ៤ពាន់​មេហ្គាវ៉ាត់ និង​ដែល​តម្រូវ​ជាក់​ស្តែង​ គឺ​ប្រើអស់​តែ​ជាង ៣ពាន់​មេហ្គាវ៉ាត់​ប៉ុណ្ណោះ។​ ទោះជា​យ៉ាង​ណា លោក​ថា​កម្ពុជា​នៅ​តែ​ត្រូវ​ការ​ទិញ​អគ្គិសនី​ពី​ប្រទេស​ជិត​ខាង​ ព្រោះការ​ទិញ​អគ្គិសនី​ពី​ក្រៅគឺ​ចំណេញ​ដល់​ជាតិ​។