លោក កែវ រតនៈ រដ្ឋមន្រ្តីក្រសួងរ៉ែ និងថាមពលបានបញ្ជាក់ថា រដ្ឋាភិបាលកម្ពុជាប្តេជ្ញាការពារមិនឲ្យមានការប៉ះពាល់រមណីយដ្ឋាន «ភ្នំឈើកាច់» ក្នុងស្រុកបាភ្នំ ខេត្តព្រៃវែងជាដាច់ខាត ខណៈតំបន់នេះត្រូវបានបង្កើតជា «តំបន់បេតិកភ័ណ្ឌធម្មជាតិ និងការកំណត់ទីតាំងបេតិកភ័ណ្ឌវប្បធម៌ប្រវត្តិសាស្ត្រ នគរភ្នំឈើកាច់បាភ្នំ»។ លោក កែវ រតនៈបានបញ្ជាក់យ៉ាងដូច្នេះនៅក្នុងបទសម្ភាសជាមួយវិទ្យុបារាំងអន្តរជាតិRFI នាថ្ងៃទី១២ ខែមីនា ឆ្នាំ២០២៥ និងស្របពេលដែលមានការផ្សព្វផ្សាយតាមបណ្តាញសង្គមខ្លះដោយចោទថា «ភ្នំឈើកាច់» ត្រូវបានអនុញ្ញាតឲ្យមានការកាយយកថ្មទៅធ្វើអាជីវកម្ម។