រដ្ឋ​បាល​ខេត្ត​ព្រះ​សីហនុ​ដាក់​ចេញ​យន្តការ​បន្ថែម​ធ្វើ​យ៉ាង​ណា​ស្តារ​មុខ​មាត់​ខេត្ត​ទេសចរណ៍​ជាប់​មាត់​សមុទ្រ​នេះ​ឡើង​វិញ​ ក្រោយពី​ប្រឡូក​ប្រឡាក់​នៃ​ការ​ប្រព្រឹត្តិ​បទ​ឧក្រិដ្ឋ​ដោយ​ក្រុម​ជន​បរទេស​មួយ​ចំនួន​ដែលមក​ជ្រក​ក្នុង​ខេត្ត​នេះ។​ អ្នក​នាំ​សាលាខេត្ត​គូស​បញ្ជាក់​ថា​ ការ​លាង​សម្អាត​មុខ​ខេត្ត​ព្រះ​សីហនុ​ឡើង​វិញ​គឺ​ដើម្បីទាក់​ទាញ​អ្នក​វិនិយោគ​ពី​គ្រប់​ទិសទី​ មិន​សំដៅតែ​ចិន​នោះទេ​ ខណៈ​អគារ​ជា​ច្រើន​នៅ​ជាប់​គាំង​។ ប៉ុន្តែ​ លោក ​ឡុង ​ឌីម៉ង់​ យល់ថា​ កិច្ច​ការ​នេះ​ត្រូវ​ការ​សហការ​ពី​អន្តរ​ជាតិ​ផងដែរ​ ដើម្បី​ទប់​ស្កាត់​ឧក្រិដ្ឋ​កម្ម​ឆ្លង​ដែន​ នាំ​ឲ្យ​ខូច​ឈ្មោះ​ខេត្ត​ព្រះ​សីហនុ​។​