លោក មាជ សុវណ្ណរ៉ា ប្រធាន​គណ​បក្ស​ជំនាន់​ថ្មី បាន​សម្តែង​ការ​ភ្ញាក់​ផ្អើល​នៅពេល​មាន​ការ​ផ្សព្វ​ផ្សាយឡើង​វិញ​នូវ​ដីកា​តាម​ចាប់​ខ្លួន​លោក ​ខណៈដែល​លោក​កំពុង​ត្រៀម​ចាក​ចេញ​ពី​អាមេរិក​ទៅ​ដល់​កម្ពុជា​វិញ​នៅថ្ងៃ​ទី៥ ខែ​កញ្ញា​។ ​ប្រធានគណ​បក្ស​ជំនាន់​ថ្មី​បាន​លើក​ឡើង​យ៉ាង​ដូច្នេះ​នៅក្នុង​បទ​សម្ភាស​ជា​មួយ​វិទ្យុ​បារាំង​អន្តរ​ជាតិ RFI នាថ្ងៃ​ទី​៤ កញ្ញា ឆ្នាំ ២០២៤ និង​បាន​ចោទជា​សំណួរ​ថា ហេតុអ្វី​បាន​ជា​តុលា​ការ​មិន​ចាប់​ខ្លួន​លោក​តាំង​ពី​លោក​នៅ​ក្នុង​ប្រទេស​កម្ពុជា តាម​ដី​កាចេញ​ដោយ​តុលាការ​ខេត្ត​រតនៈ​គិរី​តាំង​ពី​ថ្ងៃ​ទី​៨ ខែ​កញ្ញា ឆ្នាំ​២០២៣​។​