ភ្ញៀវប្រចាំថ្ងៃរបស់វិទ្យុយើងនារាត្រីនេះ គឺលោកនាយឧត្តមសេនីយ៍ មាស វិរិទ្ធ អគ្គលេខាធិការនៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀននៃក្រសួងមហាផ្ទៃ។ រដ្ឋាភិបាលកម្ពុជានៅថ្ងៃនេះ បានបូកសរុបលទ្ធផលការងារអនុវត្តផែនការ ប្រយុទ្ធប្រឆាំងគ្រឿងញៀនលើកទី៧។ នាយឧត្តមសេនីយ៍ មាស វិរិទ្ធ បានអះអាងប្រាប់វិទ្យុបារាំងអន្តរជាតិ ថា ក្នុងឆ្នាំ២០២២ សមត្ថកិច្ចបង្រ្កាបគ្រឿងញៀនបានរហូតដល់ជាង១៤តោន។ បើតាមអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀនរូបនេះ បរិមាណគ្រឿងញៀនដែលបង្រ្កាបបានក្នុងឆ្នាំ២០២២ មានការកើនឡើងរហូត៤ដង បើធៀបទៅនឹងឆ្នាំ២០២១។