នៅ​រសៀល​នេះ ​ស្នង​ការ​រង​នគបាល​ក្រុង​ភ្នំពេញ ​បាន​ហៅ​លោក ​អំ​ សំអាត ​នាយក​អង្គការ​លីកាដូ​ទៅ​សាកសួរ ខណៈ​មន្ត្រី​អង្គការ​សង្គម​ស៊ីវិល​៣​រូប​ទៀត​ត្រូវ​ចូល​បំភ្លឺ​នៅ​ថ្ងៃ​ទី​១០​ និង​១១​មករា​ ជុំវិញ​ការ​ផ្សព្វ​ផ្សាយ​បទ​ចម្រៀង​ ក្រោម​ចំណង​ជើងថា​«ឈាមបាតុករ»​។​ ចំណាត់ការ​របស់​នេះ ធ្វើឡើង​ទៅ​តាម​ការ​ស្នើ​របស់​ក្រសួង​វប្បធម៌​ដែល​ចាត់​ទុក​ចម្រៀង​រ៉េប​ របស់​ គា សុគន្ធ​ ថា​មាន​ចេតនា​ញុះញង់​បង្ករ​អសន្តិសុខ​សង្គម​។​ សម្រាប់ លោក នី សុខា ប្រធាន​សមាគម​ការពារ​សិទ្ធិ​មនុស្ស​អាដហុក​ ថ្លែងថា​ បទចម្រៀង​នេះ​ឆ្លុះ​បញ្ចាំង​ពី​ការ​ពិត​នៅ​ក្នុង​សង្គម​។​ លោក​យល់​ថា ​ការ​និយាយ​ការ​ពិត​មិន​មែន​ជា​បទ​ល្មើស​ញុះ​ញង់​ទេ​។​