កម្ពុជា​បាន​ជួប​ប្រទះ​គ្រោះ​រញ្ជួយដី​ជា​ប្រវត្តិសាស្ត្រ​លើក​ដំបូង​នៅ​ថ្ងៃទី​២៨ ខែ​កក្កដា ឆ្នាំ​២០២៤ ​ដែល​ជាឥទ្ធិពល​ឆ្លង​ពី​គ្រោះ​រញ្ជួយ​ដី​កម្លាំង ៥,១រ៉ិច​ទ័រ​នៅប្រទេស​វៀត​ណាម។​ នៅ​ទូទាំង​ខេត្ត​រតនៈគិរី ​រួម​ទាំងក្រុង​សែន​មនោរម្យ​ផង​បាន​ទទួល​រង​ឥទ្ធិពល​នេះដោយមាន​រំញ័រ​ច្រើន​ដង​ក្នុង​រយៈ​ពេល​ខ្លីៗ។​ នេះ​ជាការ​បញ្ជាក់​របស់​លោក ញ៉ែម សំអឿន អភិបាលខេត្តរតនៈគិរី​នៅក្នុង​បទ​សម្ភស​ជា​មួយ​វិទ្យុ​បារាំង​អន្តរ​ជាតិ RFI ​នៅថ្ងៃទី​២៩ ខែ​កក្កដា​នេះ។​ ​តែ​លោក​ថា​ គ្រោះ​រញ្ជួយ​ដី​ជាប្រវត្តិសាស្ត្រនេះ​គ្មាន​បង្ក​ការ​ខូច​ខាត​អ្វីគួរ​ឲ្យកត់​សម្គាល់​ឡើយ​៕