គណ​បក្ស​ខ្មែរ​រួប​រួម​ជាតិ​របស់ ​លោក​ ញឹក ប៊ុនឆៃ ​ប្រកាស​ចូល​រួម​បោះឆ្នោត​ជ្រើស​រើស​ក្រុម​ប្រឹក្សា​រាជ​ធានី​ ខេត្ត ក្រុង ស្រុក ខណ្ឌ នាពេល​ដ៍ខ្លី​ខាង​មុខ​។​ ការ​ប្រកាស​នេះ​ធ្វើ​ឡើង​នៅ​ក្នុង​អង្គ​សមាជ​គណបក្ស​ខ្មែរ​រួប​រួម​ជាតិ​នៅថ្ងៃ​ទី​២៦ ​ កុម្ភៈ​នេះ​។​ នៅ​ក្នុង​បទ​សម្ភាស​ផ្តាច់​មុខ​ជាមួយ​ RFI នៅ​ក្រោយ​សមាជ​ លោក ញឹក ប៊ុនឆៃ ​ថ្លែង​ថា ​លទ្ធផល​នៃ​ការ​បោះឆ្នោត​ព្រឹទ្ធសភា​បង្ហាញច្បាស់​ពី​ការ​បែក​សំឡេង​របស់​គណ​បក្ស​ប្រឆាំង​។​ តាម​អតីត​មេទ័ព​រូប​នេះ ​ការ​បែក​សំឡេង​របស់​បក្ស​ប្រឆាំង​ជា​ឱកាស​មួយ​ជំរុញ​ឲ្យ​គណ​បក្ស​ខ្មែរ​រួប​រួម​ជាតិ​ត្រូវ​តែ​ចូល​រួម​បោះឆ្នោត​អសកល​នៅថ្ងៃ​ទី​២៦​ ឧសភា  ឆ្នាំ​២០២៤​នេះ​។