នៅថ្ងៃពុធនេះ តុលាការក្រុងភ្នំពេញបន្តបើកសវនាការលើសំណុំរឿង លោក កឹម សុខា គឺជាសវនាការលើកទី៥៥។ ការបន្តអូសបន្លាយកាត់ក្តីរឿងនេះ ត្រូវបានមេធាវីការពារក្តីរបស់ប្រធានអតីតគណបក្សប្រឆាំង បង្ហាញអារម្មណ៍ធុញទ្រាន់ និងខាតពេលវេលា។ សម្រាប់ លោក ផែង ហេង នេះជាសំណុំរឿងនយោបាយ តុលាការគួរបង្វែររឿងនេះទៅឲ្យអ្នកនយោបាយដោះស្រាយគ្នាវិញ។ ដំណោះស្រាយដែលលោកមេធាវីថា ជម្រើសរើសល្អបំផុត គឺការផ្សះផ្សារវាងអ្នកនយោបាយខ្មែរនៅក្រោមដំបូលព្រះ​មហាក្សត្រ។