ក្រុម​ប្រាសាទ​កោះកេរ​ ដែល​មាន​អាយុ​កាល​ជាង​១០០០​ឆ្នាំ​គឺ​មាន​សភាព​ចាស់​ទ្រុឌ​ទ្រោម​ដោយ​ផ្នែក​ ដែល​ទាម​ទារ​ឲ្យ​មាន​ការ​អភិ​រក្ស​ និង​អភិវឌ្ឍន៍ ​ជា​អាទិភាព​។​ នេះ​គឺ​ជា​ការ​លើក​ឡើង​របស់ ​លោក​ ផេង ​សំអឿន ​អគ្គនាយក​រង​នៃ​អាជ្ញាធរ​ជាតិ​ព្រះវិហារ​ទទួល​បន្ទុក​ប្រា​សាទ​កោះកេរ​។​ បើ​តាម​អ្នក​ជំនាញ​រូប​នេះ​ ក្រោយ​ពី​ចុះ​បញ្ជី​ជា​សម្បត្តិ​បេតិក​ភណ្ឌ​ពិភព​លោក​ តំបន់​រមណីយ​ដ្ឋាន​កោះកេរ​ អាច​ទាក់​ទាញ​ភ្ញៀវ​ទេសចរ​កាន់​តែ​ច្រើន​ ខណៈ​សព្វ​ថ្ងៃ​មាន​ភ្ញៀវ​ទៅ​កំសាន្ត​ចន្លោះ​ពី​១០០​ទៅ​៣០០​នាក់​។​