ថ្ងៃទី​៩ ខែ​មេសា គឺ​ជា​ទិវា​ជាតិ​លើក​កម្ពស់​ការ​ប្រើប្រាស់​ផលិតខ្មែរ​លើក​ទី​៨​។ ​មុន​ទិវា​នេះឈាន​មក​ដល់​ រដ្ឋា​ភិបាល​កម្ពុជា​បាន​ចេញ​សារ​លិខិត​មួយ​ដោយ​ជំរុញ​ឲ្យ​ពលរដ្ឋ​នាំ​គ្នាគាំ​ទ្រ​ផលិត​ផល​ខ្មែរ​ដើម្បី​ជា​មោទនភាព​ជាតិ​។​ លោក ប្រាក់ សេរីវឌ្ឍន៍ តំណាង​ស្ថាប​និក សមាគម​អ្នក​ប្រើប្រាស់​វិស័យ​សុវត្ថិភាព​អាហារ​ (ស.ប.ស.អ) យល់ថា ការ​គាំទ្រ​ផលិតផល​ខ្មែរ​បាន​ជួយ​ដល់​សង្គម និង​សេដ្ឋកិច្ច​។​ តែ​លោក​កត់​សម្គាល់​ឃើញ​ពី​បញ្ហា​ប្រឈម​មួយ​ចំនួន​ដែល​កម្ពុជា​នៅខ្វះលទ្ធភាព​ផលិត​ដើម្បី​ផ្គត់ផ្គង់​តម្រូវ​ការ​ និង​ខ្វះការ​យល់​ដឹង​ពី​ការ​គាំទ្រ​ផលិត​ផល​ខ្មែរ​។