ក្រសួងធនធានទឹក និងឧត្តុនិយមកំពុងបន្តបូមទឹកពីទន្លេបាទីបញ្ចូលទៅកាន់ប្រឡាយប្រវែង១៨គីឡូម៉ែត្រ ដើម្បីជួយសង្គ្រោះស្រូវប្រជាពលរដ្ឋជាង ៤ពាន់ហិចតាស្ថិតក្នុងស្រុកបាទីខេត្តតាកែវ ដែលប្រឈមនឹងការខ្វះទឹក។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី២៤ ខែមករា ឆ្នាំ២០២៥ នេះ លោក អឿង ចន្ថា អនុរដ្ឋលេខាធិការ និងជាអ្នកនាំពាក្យក្រសួងធនធានទឹកបានថ្លែងថា នៅសប្តាហ៍ក្រោយ ក្រសួងនឹងអនុញ្ញាតឲ្យពលរដ្ឋប្រើប្រាស់ទឹកព្រមៗគ្នានៅពេលដែលទឹកត្រូវបានបូមពេញប្រឡាយ។ ក្នុងន័យនេះ លោក អឿង ចន្ថា ស្នើឲ្យពលរដ្ឋកុំបារម្ភពីការខូចខាតដំណាំស្រូវ។