កាលពីពេលថ្មីៗនេះ រាជធានី ខេត្តនៅទូទាំងប្រទេសបានបង្កើតគណៈកម្មការមួយដឹកនាំដោយអភិបាលខេត្តដើម្បីគ្រប់គ្រងស្ទឹង ព្រែក អូ ប្រឡាយ បឹងបួរ និងអាងទឹកនៅក្នុងរាជធានី-ខេត្តទាំងអស់។ នៅក្នុងកិច្ចសម្ភាសជាមួយវិទ្យុបារាំងអន្តរជាតិ RFI នាថ្ងៃទី២៤ ខែកុម្ភៈ ឆ្នាំ២០២៥នេះ លោក អឿង ចន្ថា អ្នកនាំពាក្យក្រសួងធនធានទឹក និងឧត្តុនិយមបានឲ្យដឹងថា កម្មវត្ថុនៃការបង្កើតគណៈកម្មការមួយនេះគឺសំដៅគ្រប់គ្រងធនធានទឹកឲ្យកាន់តែប្រសើរឡើង និងមានប្រសិទ្ធភាពនៅក្នុងរដូវប្រាំងខាងមុខ។