លោក សៀវ វិសុទ្ធ អគ្គហិរញ្ញិក នៃគណបក្ស​ខ្មែរ​ស្រឡាញ់ជាតិ​បានចេញមុខជំទាស់​ដាច់​ខាត​លើការ​ប្រកាស​រំលាយ​គណបក្សនេះ ពីសំណាក់​លោក ជីវ កត្តា ជាប្រធានគណបក្ស។ លោក សៀវ វិសុទ្ធ ចាត់​ទុកការ​ប្រកាសនេះ​ថា ធ្វើឡើង​ដោយ​មានហេតុ​ផលនៅពីក្រោយ ខណៈលោក ជីវ កត្តា បានដាក់ពាក្យ​សម្រាក​រយៈពេល​២ខែ​ដោយសារបញ្ហាសុខភាពខួរក្បាល។ បើតាមអគ្គហិរញ្ញិករូបនេះ គណបក្សខ្មែរ​ស្រឡាញ់ជាតិ​នៅតែមានលទ្ធភាពដំណើរការជាប្រក្រតី ទោះបីជាស្ថាបនិកមួយចំនួនបានលាឈប់។