ចាប់​ពី​ថ្ងៃទី​២០​តុលា​ខាង​មុខ​ដល់​ថ្ងៃ​ទី​២០​ធ្នូ​ គឺ​ជា​រយៈ​ពេល​៩០​ថ្ងៃ​នៃ​យុទ្ធនាការ​ចុះ​ឈ្មោះ​អ្នក​ដែល​ទើប​គ្រប់​អាយុ​បោះ​ឆ្នោត និង​អ្នក​ទើប​មាន​សិទ្ធិ​បោះ​ឆ្នោត​ឡើង​វិញ​។​ ក្នុង​អំឡុង​ពេល​នេះ​ គ.ជ.ប​ រំពឹង​ថា​នឹង​មាន​ពលរដ្ឋ​ប្រមាណ​៥​សែន​នាក់​នឹង​មក​ចុះ​ឈ្មោះ​ថ្មី​ ខណៈ​ដែល​ក្នុង​បញ្ជី​បោះ​ឆ្នោត​ឆ្នាំ​២០២១​ គឺ​មាន​អ្នក​មាន​សិទ្ធិ​បោះ​ឆ្នោត​ជាង​៩​លាន​២​សែន​នាក់​។​ ដូច្នេះ​សម្រាប់​ការ​បោះឆ្នោត​ថ្នាក់​ជាតិ​នៅ​ឆ្នាំ​២០២៣​ គឺ​នឹង​មាន​ពលរដ្ឋ​មាន​សិទ្ធិ​បោះ​ឆ្នោត​កើន​ដល់​ជិត​១០​លាន​នាក់​។​