ភ្ញៀវប្រចាំថ្ងៃរបស់វិទ្យុបារាំងអន្តរជាតិនារាត្រីនេះ​គឺលោក សោម សូរីដា អគ្គលេខាធិការរងនៃគណៈកម្មាធិការជាតិរៀបចំការបោះឆ្នោត។ នៅថ្ងៃសុក្រនេះ គ.ជ.ប បានចេញផ្សាយនូវសេចក្តីប្រកាសព័ត៌មានអំពីលទ្ធផលនៃការចាប់ឆ្នោតកំណត់លំដាប់លេខរៀងគណបក្សនយោបាយដាក់លើសន្លឹកឆ្នោត។ លោក សោម សូរីដា បានបញ្ជាក់ថាការចាប់ឆ្នោតបានធ្វើឡើងទៅតាមឃុំ-សង្កាត់នីមួយៗ ទាំង១៦៥២ឃុំ-សង្កាត់ទូទាំងប្រទេស។ បើតាមលោក សោម សូរីដា ការចាប់ឆ្នោតនេះមានសារៈសំខាន់សម្រាប់ឲ្យគណបក្សនីមួយៗឃោសនារកសំឡេង ហើយក៏ជួយសម្រួលដល់ពលរដ្ឋគូសលើគណបក្សដែលខ្លួនពេញចិត្ត។