ក្រោយការចង្អុលបង្ហាញមុខមេខ្លោង២រូបដែលជាអ្នកកាប់បំផ្លាញព្រៃឈើក្នុងតំបន់ព្រៃឡង់ខេត្តព្រះវិហារ មានមេខ្លោងចំនួន២រូប ត្រូវបានកងកម្លាំងអាវុធហត្ថចាប់ខ្លួន និងបញ្ជូនទៅកងរាជអាវុធហត្ថខេត្តព្រះវិហារ។ នេះបើតាមការបញ្ជាក់របស់លោក ស្រី ថី អ្នកសម្របសម្រួលបណ្តាញព្រៃឡង់ខេត្តព្រះវិហារ។ លោក ស្រី ថី ថា មេខ្លោងទាំងពីរដែលកងកម្លាំងចាប់បាន មានម្នាក់ឈ្មោះ អុល (ហៅខ្លាឃ្មុំ)​ ដែលជាការចង្អុលបង្ហាញរបស់បណ្តាញព្រៃឡង់ផ្ទាល់។ តាមសកម្មជនព្រៃឡង់ព្រះវិហាររូបនេះ គឺការអន្តរាគមន៍ទាន់ពេលរបស់កងកម្លាំង ទើបធ្វើឲ្យការបង្រ្កាបព្រៃឈើនេះមានប្រសិទ្ធិភាព។