ភ្ញៀវប្រចាំថ្ងៃរបស់វិទ្យុយើងនារាត្រីនេះ គឺលោក សុន ឆ័យ អនុប្រធានគណបក្សភ្លើងទៀន។ នៅថ្ងៃសុក្រនេះ គ.ជ.ប បានដាក់ពាក្យប្តឹងជាផ្លូវការលើលោក សុន ឆ័យ ទាក់ទងនឹងការលើកឡើងជុំវិញលទ្ធផលបឋមនៃការបោះឆ្នោតឃុំ-សង្កាត់។ ជាការឆ្លើយតប លោក សុន ឆ័យ បានបញ្ជាក់ថា លោកនឹងរៀបចំមេធាវី ឲ្យដោះស្រាយបណ្តឹងទៅតាមច្បាប់។ បន្ថែមពីនេះ លោក សុន ឆ័យ អះអាងថា​ លោកនឹងចូលមកតតាំងនៅតុលាការ ប្រសិនបើមានដីកាកោះហៅ។