លោក ស៊ុន ចន្ធី ជាប្រធានគណបក្សកម្លាំងជាតិដែលទើបបង្កើតឡើងកាលពីចុងឆ្នាំ២០២៣។ គណបក្សជំទាស់ថ្មីមួយនេះ មានមហិច្ឆតាចង់ក្លាយទៅជាគណបក្សប្រឆាំងធំទី១នៅកម្ពុជា។ មានអាយុ ៤៤ឆ្នាំ លោក ស៊ុន ចន្ធី បានចំណាយពេលចូលរួមជាមួយគណបក្សប្រឆាំងប្រមាណជា ២០ឆ្នាំ។ ជម្រើសចូលរួមជាមួយបក្សប្រឆាំងត្រូវបាន លោក ស៊ុន ចន្ធី បញ្ជាក់ថា គឺមកលោកធ្លាប់ជួបរឿងអយុត្តិធម៌ជាច្រើនកន្លងមក។ សម្រាប់ លោក ស៊ុន ចន្ធី គណបក្សប្រឆាំងជាសាកលវិទ្យាល័យសម្រាប់រូបលោករៀនសូត្រ និងអនុវត្តជាក់ស្តែង។