អ្នក​ការ​ពារ​សិទ្ធិ​ខ្មែរ​កម្ពុជាក្រោម​ស្នើ​ឲ្យ​សហរដ្ឋ​អាមេ​រិក​ពិ​ចារ​ណា​ក្នុង​ការ​ធ្វើ​ពាណិជ្ជ​កម្ម​ជា​មួយ​វៀត​ណាម​ ខណៈ​អាជ្ញាធរ​ប្រទេស​នេះ​បាន​ចាប់​ខ្លួន​សកម្ម​ជន​ខ្មែរ​កម្ពុជាក្រោម​​ជិត​១០​នាក់​កាល​ពី​ថ្ងៃ​ទី​៣១​កក្កដា​។​ ការ​ចាប់​ខ្លួន​នេះ​ធ្វើ​ឡើង​បន្ទាប់ពី​ពលរដ្ឋ​ខ្មែរ​ក្រោម​ចែក​​សៀវ​ភៅ​ស្តីពី​សិទ្ធិ​ជន​ជាតិ​ដើម​។​ ប៉ុន្តែ​អាជ្ញាធរ​វៀត​ណាម​ចោទ​ថា​ សកម្ម​ជន​ទាំង​នោះ ​«កេង​ចំ​ណេញ​លើ​សិទ្ធិ​សេរី​ភាព​ បំពាន​ផល​ប្រយោជន៍​របស់​រដ្ឋ»​។​ សម្រាប់​ លោក​ សឺន​ ជុំជួន ​អគ្គ​លេខា​ធិការ​នៃ​ អង្គ​ការ​ សមាគម​ខ្មែរ​កម្ពុជាក្រោម​​ អះ​អាង​ថា ​ការ​ចាប់​ខ្លួន​​នេះ​មិន​អាច​លាក់​បាំង​ពី​ក្រ​សែភ្នែក​របស់​អាមេរិក​បាន​ឡើយ​។​